AGAR SHAXS NOQONUNIY RAVISHDA MA'MURIY JAVOBGARLIKKA TORTILGAN BOʻLSA UNGA YETKAZILGAN ZARAR DAVLAT TOMONIDAN QOPLANADI

 Ma'muriy javobgarlik toʻgʻrisidagi kodeksning 302-moddasiga asosan,

➖ Ma'muriy javobgarlikka qonunga xilof ravishda tortilganlik natijasida fuqaroga etkazilgan zarar ma'muriy huquqbuzarlik toʻgʻrisidagi ishni koʻrib chiqqan organning (mansabdor shaxsning) aybidan qat'i nazar davlat tomonidan toʻliq hajmda toʻlanadi.Zararni qoplash huquqi ma'muriy huquqbuzarlik toʻgʻrisidagi ish tugatilgan taqdirdagina vujudga keladi.Ma'muriy huquqbuzarlik toʻgʻrisidagi ishni yuritayotgan organ (mansabdor shaxs) fuqaroga buzilgan huquqlarini tiklash tartibini tushuntirib berishi va ma'muriy javobgarlikka qonunga xilof ravishda tortilganligi natijasida fuqaroga etkazilgan zararni qoplash uchun qonunda nazarda tutilgan choralarni koʻrishi shart.

A.SHARIPBOYEV,

Shovot tumani yuridik xizmat ko‘rsatish markazi bosh yuriskonsulti.