SUD QANDAY HOLLARDA MA'MURIY JARIMANI KAMAYTIRIB BERISHI MUMKIN?

Ma'muriy javobgarlik toʻgʻrisidagi kodeksning 31-moddasiga koʻra, 

➖ quyidagi ma'muriy javobgarlikni engillashtiruvchi holatlar huquqbuzarlik sodir qilgan shaxsga engilroq ma'muriy jazo qoʻllanishiga yoki unga qoʻllanib boʻlingan jarima miqdori sud hamda vakolatli shaxs tomonidan kamaytirilishiga asos boʻlishi mumkin: 

—  aybdorning sodir etgan huquqbuzarligidan chin koʻngildan pushaymon boʻlishi;

—  aybdorning huquqbuzarlikning zararli oqibatlari oldini olishi, etkazilgan ziyonni ixtiyoriy ravishda toʻlashi yoki keltirilgan zararni bartaraf qilishi;

—  huquqbuzarlikning kuchli ruhiy hayajon ta'sirida sodir etganligi yoki ogʻir shaxsiy, oilaviy yoxud boshqa sharoitlar yuzaga kelganligi oqibatida sodir etilishi;

—  huquqbuzarlikning tahdid yoki majburlov ta'sirida yoxud xizmat yuzasidan, moddiy yoki boshqa jihatdan qaramligi ta'siri ostida sodir etilishi;

—  huquqbuzarlikning voyaga etmagan shaxs tomonidan sodir etilishi kabi holatlar mavjud boʻlganda;

—  huquqbuzarlikning homilador ayol yoki 14 yoshgacha boʻlgan bolasini yakka oʻzi tarbiyalayotgan shaxs tomonidan sodir etilishi.

➖ Shuningdek, ma'muriy huquqbuzarlik toʻgʻrisidagi ishni koʻrib chiquvchi organ (mansabdor shaxs) boshqa holatlarni ham javobgarlikni engillashtiruvchi holat deb topishi mumkin.

I.RAXIMBERGANOV

Shovot tumani yuridik xizmat ko‘rsatish markazi bosh yuriskonsulti.