LOTIN YOZUVIGA ASOSLANGAN O‘ZBEK ALIFBOSI

Lotin yozuviga asoslangan o‘zbek alifbosiga to‘liq o‘tish jarayoni davlatning uzoq muddatli strategik maqsadlaridan biri hisoblanadi. Bu jarayon davlat tilining rivoji va xalqaro hamjamiyatda O‘zbekistonning mavqeini oshirishga xizmat qiladi. Shu bilan birga, bu jarayonni muvaffaqiyatli amalga oshirish uchun barcha sohalarda islohotlarni bir vaqtda va tizimli ravishda olib borish talab etiladi.

Vazirlar Mahkamasining 2021-yil 10-fevraldagi 61-son “Lotin yozuviga asoslangan o‘zbek alifbosiga bosqichma-bosqich to‘liq o‘tishni ta’minlash chora-tadbirlari to‘g‘risida”gi qaroriga ko‘ra,  “Lotin yozuviga asoslangan o‘zbek alifbosiga bosqichma-bosqich to‘liq o‘tishni ta’minlash bo‘yicha” “Yo‘l xaritasi”ga ko‘ra, 2023-yil 1-yanvardan boshlab tashkiliy-huquqiy shaklidan qat’i nazar, barcha tashkilotlarda ish yuritish hujjatlari va boshqa hujjatlarni lotin yozuviga asoslangan o‘zbek alifbosida ishlab chiqish, qabul qilish va e’lon qilish amaliyotini to‘liq joriy qilinishi belgilangan. 

Davlat organlari va boshqa tashkilotlarning lotin yozuviga asoslangan o‘zbek alifbosida ish yuritishga to‘liq o‘tishini ta’minlash belgilangan.

M. SADIKOVA,

Tuproqqal’a tumani yuridik xizmat ko‘rsatish markazi bosh yuriskonsulti.