ИНТЕЛЛЕКТУАЛ МУЛК ОБЪЕКТЛАРИНИ ҲУҚУҚИЙ ҲИМОЯ ҚИЛИШ ТИЗИМИ ЯНАДА ТАКОМИЛЛАШТИРИЛАДИ
Президент томонидан имзоланган 10.09.2024 йил кунги ЎРҚ-959-сон Қонун билан айрим қонун ҳужжатларига қўшимча ва ўзгартиришлар киритилди.
Унга кўра, интеллектуал мулк объектларидан қонунга хилоф равишда фойдаланганлик учун ҳуқуқ эгасининг талабига кўра ҳуқуқбузар томонидан товон тўлаш тартиб-таомили жорий этилишини назарда тутувчи қўшимча ва ўзгартиришлар киритилмоқда.
Жумладан, “Ихтиролар, фойдали моделлар ва саноат намуналари тўғрисида”ги Қонунга киритилган қўшимчага кўра:
Патент эгаси ўзининг мутлақ ҳуқуқини бузган ҳолда саноат мулки объектидан фойдаланаётган шахсдан зарарларнинг қопланиши ўрнига БҲМнинг 20 бараваридан 1000 бараваригача миқдорда товон тўлашини талаб қилиши мумкин.
Бунда товон зарарлар етказилиши фактидан қатъи назар, ҳуқуқбузарликнинг хусусиятидан ва патент эгасининг мутлақ ҳуқуқини бузган ҳолда саноат мулки объектидан фойдаланаётган шахснинг айби даражасидан келиб чиқиб, иш муомаласи одатлари ҳисобга олинган ҳолда тўланади.
Товон миқдори тарафларнинг келишувига мувофиқ ёки суд томонидан белгиланади. (Илгари бундай нормалар бўлмаган)
Ушбу Қонун расмий эълон қилинган кундан эътиборан 3 ой ўтгач кучга киради.
У.НАВРУЗОВ,
Янгиариқ тумани юридик хизмат кўрсатиш маркази бошлиғи.
Boshqa maqolalar
ISH STAJIGA QO‘SHIB HISOBLANADIGAN MEHNAT FAOLIYATI TURLARI
Quyidagilar ish stajiga qo‘shib hisoblanadi: a) 2019-yil 1-yanvarga qadar bo‘lgan davr uchun — faoliyat turi, mulk va...
TA’LIM KREDITINI MY.GOV.UZ ORQALI OLISH MUMKIN
O‘zbekiston Respublikasi Prezidentining Farmoni, 27.05.2024 yildagi PF-82-son Qonunchilikka ko‘ra, 2024/2025 o‘quv...
ISH HAQI SAQLANMAYDIGAN TA'TILNI 6 OYGACHA OLSA BO‘LADI
Mehnat kodeksining 241-moddasiga ko‘ra ish haqi saqlanmaydigan ta'til deganda xodimning ish o‘rni (lavozimi) saqlanib...