КИЧИК БИЗНЕСНИ УЗЛУКСИЗ ҚЎЛЛАБ ҚУВВАТЛАШ ДАСТУРИ ТАКОМИЛЛАШТИРИЛАДИ
Президентнинг 07.09.2024 йил кунги ПҚ-312-сон “Кичик бизнесни узлуксиз қўллаб-қувватлаш” комплекс дастурини такомиллаштириш чора-тадбирлари тўғрисида”ги Қарори қабул қилинди.
Қарорга кўра, “Кичик бизнесни узлуксиз қўллаб-қувватлаш” комплекс дастури доирасида қуйидаги механизмлар амалиётга жорий этилади:
бир лойиҳа доирасида 300 миллион сўмгача микрокредитларни, шундан 100 миллион сўм гаровсиз қисмини “Тадбиркорликни ривожлантириш компанияси” АЖ маблағлари ҳисобидан, 200 миллион сўмгача қисмини банклар ва микромолия ташкилотларининг ўз маблағлари ҳисобидан ажратиш;
гаровсиз ажратилган 100 миллион сўм доирасида микрокредитлар бўйича кредит таваккалчилигини давлат ва микрокредит берувчилар ўртасида тақсимлаш ёки улар бўйича Компаниянинг портфель кафиллигини тақдим этиш;
микрокредит берувчилар томонидан ўз маблағлари ҳисобидан ажратилган 100 миллион сўмгача гаровсиз микрокредитларни қайта молиялаштириш тизимига ўтиш.
Дастур доирасида 100 миллион сўмгача гаровсиз микрокредитлар камида бир йил мобайнида фаолият юритаётган ва ижобий кредит тарихига эга кичик тадбиркорлик субъектларига ажратилади.
У.НАВРУЗОВ,
Янгиариқ тумани юридик хизмат кўрсатиш маркази бошлиғи.
Boshqa maqolalar
“ЭНГ ФАОЛ ИЖТИМОИЙ ХОДИМ” ТАНЛОВИНИ ЎТКАЗИШ ТАРТИБИ
Ҳукумат қарори (69-сон, 03.02.2024 й.) билан “Энг фаол ижтимоий ходим” кўрик-танловини ташкил этиш ва ўтказиш тартиби...
DAVLAT TA`LIM TASHKILOTLARNING PEDAGOGLARI MAJBURIY TIBBIY
Qonunchilikka ko'ra, pedagoglarning sog'liqni saqlashga doir huquqlari davlat tomonidan kafolatlanadi. Davlat...
FUQAROLIK HOLATI DALOLATNOMALARINI YOZISHGA BORMASDAN NIKOH
O‘zbekiston Respublikasi Vazirlar Mahkamasining 2023-yil 20-oktabrdagi 550-son qarori bilan tasdiqlangan “Fuqarolik...