ALIMENT OLISH UCHUN ASOSIY QOIDALAR

Alimentni belgilash kelishuv asosida ota-ona o‘zaro kelishib, aliment to‘lash tartibini belgilashi mumkin. Bu kelishuv yozma shaklda tuziladi va notarial tasdiqlanadi. Agar ota-ona kelishuvga erisha olmasa, da'vo arizasi bilan sudga murojaat qilinadi. Sud aliment miqdorini ota-onaning daromadlariga va farzandning ehtiyojlariga qarab belgilaydi.

Alimentni to‘lash pul shaklida (har oyda) to‘lanadi. Muqobil ravishda mol-mulk bilan ta'minlash ko‘zda tutilishi mumkin (masalan, uy-joy yoki boshqa qimmatli buyumlar shaklida ham bo‘lishi mumkin. Agar aliment to‘lashdan bosh tortilsa yoki kechiktirilsa: Ijro ishi yuritiladi. To‘lanmagan aliment uchun jarima hisoblanadi. Aliment to‘lashdan ataylab bosh tortgan shaxs ma'muriy yoki jinoiy javobgarlikka tortilishi mumkin. Sudga murojaat qilish uchun zarur hujjatlar

Da'vo arizasi.

Bola tug‘ilganlik to‘g‘risidagi guvohnoma nusxasi.

Nikohdan ajralganlik haqidagi guvohnoma nusxasi (agar mavjud bo‘lsa).

Ota-onaning daromadini tasdiqlovchi hujjatlar (agar mavjud bo‘lsa).

Bola bilan yashash sharoitini tasdiqlovchi boshqa hujjatlar.

Voyaga yetmagan farzandlarning moddiy ta'minlanishi ota-onaning asosiy majburiyatidir. Aliment farzandlarning normal hayot kechirishini ta'minlash va ularning huquqlarini himoya qilishga qaratilgan.

M. SADIKOVA,

Tuproqqal’a tumani yuridik xizmat ko‘rsatish markazi bosh yuriskonsulti.