ЁШГА ДОИР ПЕНСИЯ “ПРОАКТИВ ШАКЛДА” ФУҚАРОНИНГ МУРОЖААТИСИЗ ТАЙИНЛАНАДИ
Қонун (ЎРҚ-1066-сон, 19.05.2025 й.) билан айрим қонун ҳужжатларига ўзгартириш ва қўшимчалар киритилди.
Қонун билан “Фуқароларнинг давлат пенсия таъминоти тўғрисида”ги Қонунга ёшга доир пенсия олиш ҳуқуқини берадиган ёшга тўлган фуқароларга уларнинг мурожаатисиз (проактив шаклда) пенсия тайинланишини ҳамда фуқароларнинг шундай тартибда тайинланган пенсияни рад этиш ҳуқуқини назарда тутувчи қўшимча ва ўзгартиришлар киритилди.
Киритилган қўшимчаларга кўра, фукаронинг ёшга доир пенсияга бўлган ҳуқуқи белгиланган ахборот тизимларидан олинган маълумотларга асосан аниқланади.
Агар фуқаро унинг мурожаатисиз (проактив шаклда) тайинланган пенсия миқдоридан норози бўлса ёки меҳнат фаолиятини давом эттириш ва кейинчалик ёшга доир пенсияга чиқиш истагини билдирса, у тайинланган ёшга доир пенсияни рад этиш ҳуқуқига эга.
Бунда фуқаро хабарномани олган кундан эътиборан 10 кун ичида Пенсия жамғармаси бўлимига ариза билан ёхуд давлат хизматлари маркази ёки ЯИДХП (my.gov.uz) орқали сўровнома тўлдирган ҳолда мурожаат қилиши керак.
Пенсия тайинлаш тўғрисидаги ариза ва сўровнома 10 кундан кечиктирмай кўриб чиқилади.
Пенсияни фуқаронинг мурожаатини талаб этмаган ҳолда (проактив шаклда) тайинлаш тўғрисидаги масала фуқаро пенсия ёшига тўлган куннинг ўзида кўриб чиқилади.
Янгибозор тумани адлия бўлими юридик хизмат кўрсатиш маркази.
Boshqa maqolalar
“MANFAATLAR TOʻQNASHUVI” TOʻGʻRISIDAGI QONUN QABUL QILINDI
Oʻzbekiston Respublikasi Prezidenti 2024-yil 5-iyundagi “Manfaatlar toʻqnashuvi” toʻgʻrisidagi OʻRQ-931-con Qonunni...
YOQILGʻI-ENERGETIKA RESURSLARI ISTE’MOLCHILARINING ENERGIYA
O‘zbekiston Respublikasi Vazirlar Mahkamasining 19.10.2024-yildagi 690-sonli qarori bilan yoqilgʻi-energetika...
OTA-ONA QARAMOG‘IDAN MAHRUM BO‘LGAN BOLALARNING HUQUQ VA
Bolalarning huquq va manfaatlarini himoya qilish vasiylik va homiylik organlari tomonidan amalga oshiriladi ota-ona...