MEROS TAQSIMLANISHIDAN OLDIN QAYSI XARAJATLAR QOPLANADI?

Har bir shaxs bilishi lozim bo‘lgan masalalardan biri meros masalasidir. Meros deganda vafot etgan shaxs o‘zidan keyin qoldirgan moddiy boyliklar ko‘zda tutiladi. Meros mulkini taqsimlashda vorislar o‘zaro kelishganlari eng maqbul yechim hisoblanadi.

Meros taqsimlanishidan oldin quyidagi xarajatlar qoplanishi lozim:

- meros qoldiruvchi vafoti oldidan xastaligi tufayli qilingan zarur xarajatlar;

- meros qoldiruvchini dafn etish xarajatlari;

- merosni egallash, muhofaza qilish, boshqarish va vasiyatnomani ijro etish xarajatlari.

Bu talablar meros qiymati hisobidan boshqa barcha talablardan, shu jumladan, ipoteka yoki boshqa garov bilan ta’minlangan talablardan oldin imtiyozli ravishda qondirilishi lozim.

Urganch shahar adliya bo‘limi yuridik xizmat ko‘rsatish markazi.