MA'RIFIY FAOLIYATNI AMALGA OSHIRISH TARTIBI BELGILANDI
Prezident tomonidan imzolangan Qonun (O'RQ-990-son, 05.11.2024-y.) bilan ayrim qonun hujjatlariga qo'shimcha va o'zgartirishlar kiritildi.
Qonun bilan "Ta'lim to'g'risida"gi Qonunga ma'rifiy faoliyatni amalga oshirish tartibini belgilashga qaratilgan qo'shimchalar kiritilmoqda.
Unga ko'ra, ma'rifiy faoliyat shaxsning shaxsiy, intellektual va ma'naviy jihatdan kamol topishi, ijtimoiy va iqtisodiy faolligini oshirish, intellektual va ijodiy faoliyatini namoyon etish, individual salohiyatini, imkoniyatlarini, muloqot qilish qobiliyatlarini yaxshilash uchun zarur ko'nikmalar va malakalarni shakllantirishga qaratilgan, davlat ta'lim standartlari bilan qamrab olinmaydigan faoliyat turi hisoblanadi.
Ma'rifiy faoliyat vazirlik va idoralar, hokimliklar, mahallalar, jismoniy va yuridik shaxslar tomonidan amalga oshirilishi mumkin.
Shuningdek, Ma'muriy javobgarlik to'g'risidagi kodeksda ma'rifiy faoliyatni bunday faoliyat bilan shug'ullanish huquqiga ega bo'lmagan shaxs tomonidan amalga oshirish yoxud ma'rifiy faoliyatni amalga oshirish bo'yicha qonunchilikda belgilangan cheklovlarga rioya etmaganlik uchun javobgarlik belgilanmoqda.
Qonun rasmiy e'lon qilingan kundan e'tiboran 3 oy o'tgach kuchga kiradi.
S.BERDIQILICHOV,
Urganch tumani yuridik xizmat ko‘rsatish markazi bosh yuriskonsulti.
Boshqa maqolalar
FAMILYA, ISM VA OTA ISMINI O‘ZGARTIRISH OQIBATLARINI
O’zbekiston Respublikasi Oila kodeksining 227-moddasiga asosan. Familiya, ism va ota ismi o‘zgartirilganda fuqarolik...
YER UCHASTKALARI LOYIHALARNING MASTER-REJALARIGA MUVOFIQ
Prezidentning 08.07.2024-yildagi “Hududlarning iqtisodiy salohiyatini roʻyobga chiqarish va boʻsh yer uchastkalaridan...
KECHKI YOKI SIRTQI TA’LIM SHAKLI BO‘YICHA TA’LIM OLAYOTGAN
Oliy va o‘rta maxsus, kasb-hunar ta’limi tashkilotlarida kechki yoki sirtqi ta’lim shakli bo‘yicha o‘qiyotgan...