Vazirlar Mahkamasining 12.04.2025-yildagi «Oʻzbekiston Respublikasi Hukumatining ayrim qarorlariga yongʻin хavfsizligi qoidalari va transport vositalaridan foydalanish talablarini takomillashtirishga qaratilgan oʻzgartirishlar va qoʻshimcha kiritish toʻgʻrisida»gi 224-son qarori qabul qilindi.

Avvalroq dvigatelining ish hajmi 25 sm³ va undan ortiq, lekin 50 sm³dan oshmaydigan, shuningdek, elektr dvigatelining quvvati 0,25 kilovatt va undan ortiq, biroq 4 kilovattdan oshmaydigan, konstruktiv tezligi soatiga 25 kilometr va undan ortiq, lekin 50 kilometrdan oshmaydigan transport vositalarini (moped va skuterlarni) boshqarish uchun 2025-yil 1-martdan tegishli haydovchilik guvohnomasiga ega boʻlish kerakligi belgilangan edi. Oʻzgartirishlarga muvofiq, ushbu muddat 2025-yil 1-oktabrga koʻchirildi.

Bundan tashqari, Foydalanishda boʻlgan moped va skuterlarni davlat roʻyхatidan oʻtkazish tartibi toʻgʻrisidagi vaqtinchalik nizomning amal qilish muddati 2025-yil 30-sentabrga qadar uzaytirildi.

Hujjat bilan shuningdek Xonalarni koʻchma oʻt oʻchirgichlar bilan jihozlashning yangi me’yorlari tasdiqlandi. Yangi tahrirda oʻt oʻchirish aerozoli generatori bilan jihozlashning me’yorlari aks ettirilgan (shu yerda tanishish mumkin.)

Urganch shahar adliya bo‘limi yuridik xizmat ko‘rsatish markazi.