TA’LIM KREDITI AJRATILISHI U QANDAY AMALGA OSHIRILADI?

Vazirlar Mahkamasining 2024-yil 16-sentyabrdagi 579-son qarori bilan Hukumatning ayrim qarorlariga oliy va professional ta’lim tashkilotlari talabalari hamda oʻquvchilariga ta’lim krediti ajratish tartibini takomillashtirishga qaratilgan oʻzgartirishlar kiritildi.

Shuningdek, quyidagilarga ta’lim krediti ajratilishi belgilandi:

oliy ta’lim tashkilotlari talabalari uchun – Oliy ta’lim, fan va innovatsiyalar vazirligining “Talabalarga shartnoma asosida koʻrsatiladigan хizmatlar hisobini yuritish” (kontrakt.edu.uz) va “Oliy ta’lim jarayonlarini boshqarish” (NEMIS) aхborot tizimlarida talabalar toʻgʻrisida ma’lumotlar mavjud boʻlgan taqdirda;

professional ta’lim tashkilotlari oʻquvchilari uchun – Oliy ta’lim, fan va innovatsiyalar vazirligining “Professional ta’lim jarayonlarini boshqarish” (prof.edu.uz) aхborot tizimida oʻquvchilar toʻgʻrisida ma’lumotlar mavjud boʻlgan taqdirda.Kredit oluvchi ta’lim krediti olish uchun belgilangan tartibda Iqtisodiyot va moliya vazirligining rasmiy veb saytida e’lon qilingan tijorat banklariga “yagona interaktiv davlat xizmatlari” (my. gov.uz) portali, Ta’lim krediti (Ta’lim-krediti. mf.uz) Axborot tizimidagi shaxsiy kabinet orqali ta’lim krediti olish toʻgʻrisidagi arizani shakllantirishi belgilangan.

M. SADIKOVA,

Tuproqqal’a tumani yuridik xizmat ko‘rsatish markazi bosh yuriskonsulti.