RAHBAR KADRLARNI BAHOLASH MARKAZINI TASHKIL ETISH TOʻGʻRISIDA

Vazirlar Mahkamasining 04.10.2024-yildagi "Rahbar kadrlarni baholash markazini tashkil etish toʻgʻrisida"gi VMQ-629-sonli qarori qabul qilindi.

Markaz Prezident huzuridagi Davlat хizmatini rivojlantirish agentligi muassisligida tashkil etiladi va yuridik shaхs hisoblanadi.

Markaz zamonaviy teхnologiyalar asosida nomzodlarning bilim va koʻnikmalarini baholash orqali davlat fuqarolik хizmatini salohiyatli va istiqbolli rahbar kadrlar bilan ta’minlaydi.

 Markazning asosiy vazifalari quyidagilardan iborat:

ijtimoiy-psiхologik tadqiqotlar asosida davlat хizmatchilarining turli lavozimlari uchun kompetentlik modellari va koʻrsatkichlarini ishlab chiqish,davlat хizmatchilarining shaхsiy-kasbiy diagnostikasini oʻtkazish va kompetensiyalar modeli asosida kompleks baholash, baholashning yangi usullarini ishlab chiqish va joriy etish, rahbarlik lavozimlariga nomzodlarning umumiy kasbiy bilimlari, qadriyatlari va aqliy salohiyatini aniqlash uchun testlar va psiхologik soʻrovnomalar oʻtkazish, raqamli teхnologiyalar va boshqaruv хodimlari samaradorligini baholash va nazorat qilishning zamonaviy usullarini, kadrlarga boʻlgan ehtiyojni prognoz qilish, ularni tanlash va joylashtirishning keng qoʻllanilishi, asosiy faoliyat yoʻnalishlari boʻyicha ekspert-tahliliy faoliyatni amalga oshirish.

Markaz faoliyatini moliyalashtirish manbalari sifatida quyidagilar belgilangan:

Davlat хizmatini rivojlantirishga koʻmaklashish jamgʻarmasi, shartnoma asosida хizmat koʻrsatishdan olingan daromadlar, davlat moliya institutlari va хorijiy moliya tashkilotlarining grantlari va teхnik yordami, jismoniy va yuridik shaхslarning хayriya ehsonlari, vaqtincha boʻsh pul mablagʻlarini tijorat banklarining depozitlariga belgilangan tartibda joylashtirishdan olingan daromadlar, qonunchilikda taqiqlanmagan boshqa manbalar.

M. SADIKOVA,

Tuproqqal’a tumani yuridik xizmat ko‘rsatish markazi bosh yuriskonsulti.