QISHLOQ XO‘JALIGI EKINLARI URUG‘LIKLARINING SIFATINI BAHOLASH TIZIMI TUBDAN ISLOH QILINADI
O‘zbekiston Respublikasi Prezidentining 07.07.2025-yildagi “Qishloq xo‘jaligi ekinlari urug‘liklarining sifatini baholash tizimini tubdan isloh qilish chora-tadbirlari to‘g‘risida”gi PF-109-sonli farmoni qabul qilindi.
Farmonga ko‘ra, qishloq xo‘jaligi ekinlari urug‘liklarining sifatini baҳolashda raqamli QR kodli yorliqlash, shuningdek, urug‘liklarni yetishtirish va realizatsiya qilish bilan shug‘ullanuvchi tadbirkorlar reestrini yuritishga asoslangan yangi tizim joriy etiladi.
“Qishloq xo‘jaligi maҳsulotlari sifatini baҳolash markazi” davlat muassasasi qishloq xo‘jaligi ekinlari urug‘liklarining sifatini baholovchi yagona vakolatli tashkilot sifatida belgilandi.
2026-yil 1-yanvardan Bojxona qo‘mitasi tomonidan raqamli QR kodli yorliqlanmagan va ijobiy ekinboplik xulosasi olinmagan import qilinayotgan qishloq xo‘jaligi ekinlarining urug‘liklarini “erkin muomalaga chiqarish” bojxona rejimiga rasmiylashtirish taqiqlanadi.
2026-yildan QR kodli yorliqlanmagan va ijobiy ekinboplik xulosasi olinmagan qishloq xo‘jaligi ekinlarining urug‘liklarini realizatsiya qilgan tadbirkorlarga BHMning 150 baravarigacha ma’muriy jarima qo‘llanadi.
T. EGAMBERGANOV,
Shovot tumani yuridik xizmat ko‘rsatish markazi bosh yuriskonsulti.
Boshqa maqolalar
DAVLAT HOKIMIYATI VA BOSHQARUVI ORGANLARINING FAOLIYATI
O‘zbekiston Respublikasining “ Davlat hokimiyati va boshqaruvi organlari faoliyatining ochiqligi to‘g‘risida ”gi...
TAQSIMLASH ELEKTR TARMOQLARIDAN FOYDALANISH QOIDALARI
O ‘ zbekiston Respublikasi Vazirlar Mahkamasining 09.10.2024-yildagi VMQ-652-sonli qarori bilan 2025-yil yanvardan...
INTIZOMIY JAZONI QO‘LLASH MUDDATLARI
Intizomiy jazo intizomiy qilmish aniqlanganidan keyin darhol, biroq aniqlangan kundan e’tiboran 1 oydan kechiktirmay...