BILIB OLING

Oʻzbekiston Respublikasi buxgalteriya hisobining milliy standarti (9-sonli BHMS) “Pul oqimlari toʻgʻrisidagi hisobot” Adliya vazirligida davlat roʻyxatidan oʻtkazildi (roʻyxat raqami 3592, 27.12.2024-y.)

       BHMS xoʻjalik yurituvchi subyektlar (bundan byudjet tashkilotlari va nobank kredit tashkilotlari mustasno) tomonidan buxgalteriya hisobini tashkil etish tartibini belgilaydi.  Tashkilot BHMS talablariga muvofiq pul oqimlari toʻgʻrisidagi hisobotni tayyorlaydi va uni har bir hisobot davri uchun tuziladigan moliyaviy hisobotning tarkibiy qismi sifatida taqdim etadi. Pul oqimlari toʻgʻrisidagi hisobot pul tushumlari va toʻlovlari uchta asosiy toifaga ajratiladi: operasion faoliyat, investisiya faoliyati va moliyaviy faoliyat. Operasion faoliyatning pul oqimlari tashkilotning asosiy faoliyatidan kelib chiqadi. Operasion faoliyatning pul oqimlariga quyidagilar kirishi mumkin: mahsulot (ishlar va xizmatlar) sotishdan pul mablagʻlarining kelib tushishi; royalti, badallar, vositachilik haqqi va boshqalar boʻyicha pul mablagʻlari tushumi; yetkazib beruvchilarga toʻlangan pul mablagʻlari; xodimlarga toʻlangan mablagʻlar va xodimlar nomidan pul mablagʻlari toʻlovlari; operasion faoliyatga tegishli boʻlgan soliqlar boʻyicha pul mablagʻlari toʻlovlari yoki ularning qaytarilishi; savdo yoki dilerlik maqsadlarida tuzilgan bitimlar boʻyicha pul mablagʻlari tushumlari va toʻlovlari.

I.RAXIMBERGANOV,

Shovot tumani yuridik xizmat ko‘rsatish markazi bosh yuriskonsulti.