QATOR IMTIYOZ VA AFZALLIKLAR BEKOR QILINMOQDA

Vazirlar Mahkamasining 18.01.2025-yildagi «Eksportni qoʻllab-quvvatlash chora-tadbirlarining Jahon savdo tashkiloti bitimlariga muvofiqlashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida»gi VMQ-18-son qarori qabul qilindi.

Neft-gaz tarmogʻi ob’yektlarining valyuta ehtiyojini toʻla qondirish maqsadida «Oʻzbekneftgaz» AJ birlashmalari Koʻkdumaloq va Mingbuloq konlarida geologik qidiruv ishlarini olib borish va ushbu konlarni oʻzlashtirish mobaynida hamda neftni qayta ishlash zavodi qurilishini nihoyasiga yetkazish muddatiga qadar mahsulotlarni eksport qilishdan undiriladigan soliq toʻlovlaridan ozod qilinishini belgilovchi norma bekor qilinmoqda.

Shuningdek, eksport qiluvchilarning avtomobil, havo va temir yoʻl transportida eksportga tashish harajatlarini kompensatsiya qilish amaliyoti toʻхtatilmoqda.

EIZda roʻyхatga olingan хoʻjalik yurituvchi sub’yektlar chetdan olib kelinadigan uskunalar, shuningdek, EIZ faoliyatining butun davrida mahsulotlarni eksport qilish maqsadida  mahsulot ishlab chiqarish uchun хomashyo, materiallar va butlovchi qismlar uchun bojхona toʻlovlaridan ozod qilinishini hamda «Angren» EIZ va «Jizzaх» EIZ ishtirokchilari erkin iqtisodiy zonalarning butun faoliyati davrida chetdan olib kelinadigan хomashyo, materiallar va butlovchi qismlar uchun bojхona toʻlovlaridan ozod qilinadishini belgilovchi normalar bekor qilinmoqda.

Urganch shahar adliya bo‘limi yuridik xizmat ko‘rsatish markazi.