KOʻP KVARTIRALI UYLARNI BOSHQARISH ORGANLARINING ELEKTRON REESTRI YURITILADI

Hukumat qarori (853-son) bilan Koʻp kvartirali uylarni boshqarish organlarining elektron reestrini yuritish boʻyicha ma'muriy reglament tasdiqlandi.

      Unga koʻra, koʻp kvartirali uylarni boshqarish organlarining elektron reestrini shakllantirish va yuritish hamda koʻp kvartirali uylarni boshqarish organlariga biriktirish boʻyicha davlat xizmatlarini koʻrsatish tartibi belgilandi. Bunda talabgor yoki boshqarish organi soʻrovnoma berish uchun Davlat xizmatlari markazlari yoki YaIDXP (my.gov.uz) orqali murojaat etadi. Soʻrovnoma YaIDXP orqali dam olish va bayram kunlaridan qat'i nazar, har kuni 24 soat davomida yuborilishi mumkin. Davlat xizmati koʻrsatilganligi uchun BHMning 50 foizi (187 ming 500 soʻm) miqdorida Davlat xizmati koʻrsatilgani uchun yigʻim undiriladi. Soʻrovnoma va unga ilova qilingan hujjatlarda notoʻgʻri ma'lumotlar koʻrsatilishi, shuningdek, belgilangan yigimni toʻlamaslik davlat xizmatlarini koʻrsatishni rad etish uchun asos hisoblanadi. Elektron reestrga kirish uchun quyidagi hujjatlar ilova qilinadi: talabgorning koʻp kvartirali uyni boshqarish uchun mavjud ishchi-xizmatchilari hamda moddiy-texnik bazasi toʻgʻrisidagi ma'lumotlar pasportining tasdiqlangan nusxasi; tasdiqlangan shtatlar jadvali; tegishli malaka sertifikat.

K.ISMOILOV,

Shovot tumani yuridik xizmat ko‘rsatish markazi boshlig‘i.