RESPUBLIKADA BO‘LISHI NOMAQBUL DEB TOPILGAN SHAXSLARNING RO‘YXATI SHAKLLANTIRILADI
Prezident tomonidan imzolangan Qonun (O‘RQ-998-son, 15.11.2024-y.) bilan "O‘zbekiston Respublikasida chet el fuqarolarining va fuqaroligi bo‘lmagan shaxslarning huquqiy holati to‘g‘risida"gi O‘zbekiston Respublikasi Qonuniga o‘zgartirish va qo‘shimchalar kiritildi.
Qonun bilan O‘zbekiston xalqining sha’nini, qadr-qimmatini, tarixini tahqirlovchi ommaviy chiqishlarni yoki harakatlarni sodir etgan chet el fuqarolarining va fuqaroligi bo‘lmagan shaxslarning "O‘zbekiston Respublikasida bo‘lishi nomaqbul deb topilgan chet el fuqarolari va fuqaroligi bo‘lmagan shaxslar ro‘yxati"ga kiritilishini nazarda tutuvchi o‘zgartirish va qo‘shimchalar kiritilmoqda.
Chet el fuqarosini yoki fuqaroligi bo‘lmagan shaxsni Ro‘yxatga kiritish O‘zbekiston Respublikasi Oliy Majlisi Qonunchilik palatasi Kengashining, Senati Kengashining, maxsus vakolatli davlat organlarining taqdimiga asosan amalga oshiriladi.
Ro‘yxatga kiritilgan chet el fuqarosining yoki fuqaroligi bo‘lmagan shaxsning O‘zbekiston Respublikasi hududiga kirishiga yo‘l qo‘yilmaydi.
Ro‘yxatga kiritilgan shaxs xabarnoma olgan kundan e’tiboran o‘n kun ichida ixtiyoriy ravishda O‘zbekiston Respublikasidan chiqib ketishi kerak.
Agar Ro‘yxatga kiritilgan, nomaqbul deb topilgan shaxs ko‘rsatilgan muddat ichida ixtiyoriy ravishda O‘zbekiston Respublikasidan chiqib ketmasa, mazkur shaxs deportatsiya qilinadi.
Urganch shahar adliya bo‘limi yuridik xizmat ko‘rsatish markazi.
Boshqa maqolalar
OTALIK YOKI ONALIK HUQUQIDAN MAXRUM QILISH ASOSLARI
O‘zbekiston Respublikasi Oila kodeksining 79-moddasi Ota-onalik huquqidan maxrum qilish deb nomlangan bo‘lib, mazkur...
“MAHALLA YETTILIGI” FAOLIYATINI BAHOLASH MEХANIZMI
O‘zbekiston Respublikasi Vazirlar Mahkamasining 18.05.2024-yildagi “Mahalla yettiligi” faoliyatini samarali tashkil...
MATEMATIKA FANI OʻQITUVCHISINI NAVBATDAGI ATTESTATSIYASI
Vazirlar Mahkamasining 2021-yil 17-sentabrdagi 572-son qaroriga 1-ilova “Maktabgacha, umumiy o‘rta, o‘rta maxsus,...