Vazirlar Mahkamasining 27.02.2025-yildagi 128-son qarori bilan Teхnik reglamentlarni ishlab chiqish, ularni tasdiqlash, oʻzgartirish va qoʻshimchalar kiritish hamda bekor qilish tartibi toʻgʻrisida nizom tasdiqlandi.

Teхnik reglamentlarni ishlab chiqish boʻyicha takliflar respublika ijro etuvchi hokimiyat organlari va хoʻjalik birlashmalari tomonidan manfaatdor tomonlarning takliflarini hisobga olgan holda va ularni tayyorlash Dasturiga muvofiq tayyorlanadi hamda har yili 1-noyabrga qadar Oʻzbekiston teхnik jihatdan tartibga solish agentligiga taqdim etiladi.

Agentlik kelib tushgan takliflar asosida teхnik reglamentlarni ishlab chiqish dasturi loyihasini tayyorlaydi va takliflar kelib tushgan kundan boshlab 30 ish kuni mobaynida Vazirlar Mahkamasiga kiritadi.

Teхnik reglamentlarni ishlab chiqish dasturlari Vazirlar Mahkamasining qarorlari bilan tasdiqlanadi.

Vazirlar Mahkamasi qarori bilan tasdiqlangan Nizom quyidagilarni belgilaydi:

• teхnik reglamentlarning tuzilishi va mazmuni;
• quyidagi tartiblar:
  1. ularni ishlab chiqish;
  2. ekspertizadan oʻtkazish;
  3. teхnik reglamentlarning ma’lumotlar bazasini shakllantirish va yuritish;
  4. teхnik reglamentlarni qayta koʻrib chiqish, oʻzgartirish, qoʻshimchalar kiritish va bekor qilish. 

Urganch shahar adliya bo‘limi yuridik xizmat ko‘rsatish markazi.