Президент томонидан 07.02.2024 йилдаги “Иқтисодиёт соҳалари учун кадрлар тайёрлаш тизимини тубдан такомиллаштириш чора-тадбирлари тўғрисида”ги қарор имзоланди. Ҳужжат “ЎзА”да эълон қилинган.
Тошкент давлат иқтисодиёт университетига Тошкент молия институти ва Фискал институт қўшиб олинмоқда.
Университет – бу иқтисодиёт, молия ва солиқ соҳалари учун олий маълумотли мутахассислар ва илмий кадрларни тайёрлаш, қайта тайёрлаш, малакасини ошириш ҳамда методик таъминот бўйича етакчи олий таълим муассасаси.
Тошкент молия институти ва Фискал институтда таҳсил олаётган барча талабалар ўқишини Университетда давом эттиради ҳамда 2023/2024 ўқув йилидан бошлаб битирувчи курс талабаларига Университет дипломи берилади.
Университетда 2024/2025 ўқув йилидан бошлаб:
- таълим жараёни давлат тили, инглиз тили ва бошқа хорижий тилларда олиб борилади;
- иқтидорли талабалар учун алоҳида хорижий тилларда ўқитиладиган гуруҳлар ташкил этилади;
- таълим дастурлари халқаро тан олинган рейтингларда биринчи 300 талик рўйхатга кирган хорижий олий таълим ташкилотларининг дастури асосида босқичма-босқич ишлаб чиқилади.
С.БЕРДИКИЛИЧОВ,