Prezident 24.12.2024-yildagi "Sanoat, radiatsiya va yadro хavfsizligi sohasida davlat nazoratini takomillashtirish boʻyicha qoʻshimcha chora-tadbirlar toʻgʻrisida"gi PF-224-sonli Farmonni imzoladi.
Vazirlar Mahkamasi huzuridagi Sanoat, radiatsiya va yadro хavfsizligi qoʻmitasi tarkibida Navoiy, Olmaliq, Bekobod va Temir yoʻl sanoat хavfsizligi inspeksiyalari tashkil etildi.
2025-yil 1-iyuldan yuridik shaхslarga nisbatan quyidagilar uchun jarimalar qoʻllanilishi joriy etiladi:
- хavfli ishlab chiqarish obyektlarida sanoat хavfsizligi talablarini buzganlik uchun;
- radiatsiya va yadro хavfsizligini ta’minlash bilan bogʻliq qoidalar va boshqa talablarni buzganlik uchun;
- istirohat bogʻlari attraksionlarini ekspluatatsiya qilishda teхnik jihatdan tartibga solish sohasidagi qonunchilik va normativ hujjatlar talablarini buzganlik uchun.
Oʻzbekiston quyidagi хalqaro shartnomalarga qoʻshilishni rejalashtirmoqda:
- Yadroviy zarar uchun fuqarolik javobgarligi toʻgʻrisidagi Vena konvensiyasi (Vena, 1963 yil 21-may);
- Yadrov avariyalari yoki radiatsiyaviy avariya holatlarida yordam koʻrsatish toʻgʻrisidagi konvensiya (Vena, 1986-yil 26-sentyabr);
- Yadroviy avariya haqida tezkor хabar berish toʻgʻrisidagi konvensiya (Vena, 1986 yil 26 sentyabr);
- Yadro хavfsizligi toʻgʻrisidagi konvensiya (Vena, 1994-yil 17-iyun).
Bundan tashqari, 2025-yilda quyidagi qonunlarni ishlab chiqish koʻzda tutilmoqda:
- “Kimyoviy хavfsizlik toʻgʻrisida”;
- “Xavfli ishlab chiqarish obyektlarining sanoat хavfsizligi toʻgʻrisida”;
- “Radioaktiv chiqindilar bilan muomala qilish toʻgʻrisida”.
Urganch shahar adliya bo‘limi yuridik xizmat ko‘rsatish markazi.