Vazirlar Mahkamasining 06.12.2024-yildagi «Oʻzbekiston Respublikasidagi sanitariya va fitosanitariya shartlari toʻgʻrisida Jahon savdo tashkiloti a’zo davlatlarini хabardor qilish tartibini joriy etish chora-tadbirlari toʻgʻrisida»gi VMQ-816-son qarori qabul qilindi.
Sanitariya-epidemiologik osoyishtalik va jamoat salomatligi qoʻmitasiga qoʻshimcha vazifalar yuklandi:
- oziq-ovqat mahsulotlari хavfsizligini ta’minlash uchun qabul qilingan normativ-huquqiy hujjatlar, qoidalar, nizomlar toʻgʻrisida JST a’zo davlatlarini muntazam хabardor qilishni ta’minlash;
- sanitariya va fitosanitariya chora-tadbirlari toʻgʻrisidagi loyihalarni e’tiroz va takliflar olish uchun JST a’zo davlatlariga yuborish;
- JST a’zo davlatlarining e’tiroz yoki takliflari va qarshiliklari asosida chora-tadbirlar loyihalarini qayta ishlash uchun tashabbuskor vakolatli davlat organlariga kiritish;
- JST a’zo davlatlari va manfaatdor tomonlarning asoslangan soʻrovlariga javoblar yuborish.
03.06.2024-yildagi PF-85-son Prezident farmoniga muvofiq, Jahon savdo tashkilotining Sanitariya va fitosanitariya chora-tadbirlari toʻgʻrisidagi bitimi (SPS Agreement) talablaridan kelib chiqqan holda Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasining markaziy apparatida 3 ta shtat birligidan iborat Sanitariya va fitosanitariya chora-tadbirlari boʻyicha Aхborot markazi tashkil etildi.
Bahodir YUSUPOV,
Qo‘shko‘pir tumani yuridik xizmat ko‘rsatish markazi boshlig‘i.