“Nogironligi boʻlgan shaхslarning huquqlari toʻgʻrisida”gi 05.09.2024-yildagi OʻRQ-955-son Qonun bilan Davlat nogironligi boʻlgan shaхslarga boshqa fuqarolar bilan teng ravishda odil sudlovdan foydalanishini ta’minlashi, shu jumladan nogironligi boʻlgan shaхslarning sud protsessining barcha bosqichlarida, shuningdek surishtiruv va dastlabki tergov bosqichlarida bevosita yoki bilvosita ishtirok etishini ta’minlashga qaratilgan choralarni koʻrishi belgilangan.
Davlat, shuningdek, saylov uchastkalarida nogironligi boʻlgan shaхslarning barcha toifalari, shu jumladan eshitish, koʻrish boʻyicha nogironligi boʻlgan, oʻrindiqli aravachalardan foydalanuvchi shaхslar ovoz berishi uchun zarur shart-sharoitlar yaratilishini ta’minlashi kerak. Shuningdek, Qonunda nogironligi boʻlgan shaхslar bilan muloqot qilish uchun foydalanish mumkin boʻlgan muloqot shakllarini, shuningdek ijtimoiy infratuzilma ob’yektlarini nogironligi boʻlgan shaхslarning ularga moneliksiz kirishi uchun moslashtirish asoslarini belgilovchi me’yorlar belgilandi.
M.SODIQOVA,
Tuproqqal’a tumani yuridik xizmat ko‘rsatish markazi bosh yuriskonsulti.