Эндиликда юқори турувчи судлар томонидан қуйи судларнинг қарорлари бекор қилинса, ўша бекор қилинган қарорни чиқарган суднинг ўзига такроран кўриб чиқиш учун қайтарилмайди.
25.12.2023 йил кунги ЎРҚ-887-сон Қонун қабул қилинди хамда Қонун билан Фуқаролик процессуал кодексига ўзгартириш ва қўшимчалар киритилди
Киритилган ўзгартиришга кўра, ишларни вилоят судларида ва уларга тенглаштирилган судларда тафтиш тартибида кўриш босқичи жорий этилди.
Шунингдек, юқори турувчи судлар томонидан қуйи судларнинг бекор қилинган қарорларини янгидан кўриш учун қайтадан ушбу судларга юбориш тартиби чиқариб ташланди.
Ҳар бир суд инстанциясининг зиммасига иш бўйича якуний қарор чиқариш мажбурияти юклатилди.
Шу ўринда суд буйруғини бекор қилишни рад этиш тўғрисидаги суд ажрими устидан хам хусусий шикоят (протест) берилиши мумкинлиги белгиланди.
Қонун 2024 йил 1 январдан эътиборан кучга киради.
У.НАВРУЗОВ,
Янгиариқ тумани юридик хизмат кўрсатиш маркази бошлиғи.