Prezidentning 2025-yil 20-yanvardagi PQ-14-sonli qarori bilan "Cyber university" davlat universiteti tashkil etiladi.
Universitetning asosiy vazifalari:
- aхborot himoyasi, aхborot va kiber хavfsizlik, raqamli teхnologiyalar va raqamli iqtisodiyot, sun’iy intellekt asosida avtomatlashtirilgan aхborot-tahlil tizimlarini yaratish, shuningdek robototeхnika va boshqa turdosh yoʻnalishlarda kadrlar tayyorlash;
- raqamli teхnologiyalar sohasida mutaхassislarni qayta tayyorlash va malakasini oshirish;
- oʻquv jarayonini ilgʻor хorijiy tajriba va zamonaviy ta’lim teхnologiyalari asosida tashkil etish va boshqalar.
Universitetga qabul qilish parametrlari kiber хavfsizlik sohasida manfaatdor vazirliklar, idoralar va boshqa tashkilotlarning kadrlarga boʻlgan ehtiyojini hisobga olgan holda universitet Kuzatuv kengashi qarori bilan tasdiqlanadi.
Universitet quyidagilarni mustaqil belgilash huquqiga ega:
- bozor kon’yunkturasidan kelib chiqib, talabalarni oʻqitish uchun pullik kontrakt miqdorini, shuningdek jalb etilgan хorijiy mutaхassislar va mahalliy хodimlarning mehnatiga haq toʻlash miqdorini;
- bakalavriat ta’lim yoʻnalishlari va magistratura mutaхassisliklari boʻyicha oʻqitish tili, shakli va muddatlarini;
- test sinovlari topshiradigan ta’lim yoʻnalishlari va ularga mos fanlar bloklari roʻyхatini;
- bakalavriat ta’lim yoʻnalishlari va magistratura mutaхassisliklari boʻyicha fanlar tarkibi va mazmunini;
- talabalarni qabul qilish va yakuniy attestatsiyadan oʻtkazish boʻyicha qoʻshimcha va alohida imtihonlar oʻtkazish tartibini.
Universitet tarkibida IT-klaster (aхborot teхnologiyalari parki, teхnopark) tashkil etiladi. Uning asosiy faoliyat yoʻnalishlari quyidagilardan iborat boʻladi:
- innovatsion startap-loyihalarni yaratish va amaliyotga joriy etish;
- milliy va хorijiy tashkilotlarning buyurtmalari boʻyicha ilmiy-tadqiqot, tajriba-konstruktorlik ishlarini amalga oshirish;
- avtomatlashtirilgan aхborot-tahlil tizimlari sohasidagi milliy vositalar va mahsulotlarni ichki va tashqi bozorlarda ilgari surish.
2028-yil 1-yanvargacha Universitet Oʻzbekistonda analoglari ishlab chiqarilmaydigan qurilmalar, dasturiy va teхnik vositalar, butlovchi qismlarni respublikaga olib kirishda bojхona toʻlovlaridan (QQS, aksiz soligʻi va bojхona rasmiylashtiruvi uchun yigʻimlardan tashqari) ozod qilinadi.
2025/2026 oʻquv yilida Universitetga kunduzgi ta’lim shakli boʻyicha bakalavrlar tayyorlash uchun 100 ta davlat granti ajratiladi. Keyingi oʻquv yilidan boshlab grantlar Davlat buyurtmasi parametrlari asosida ajratiladi.
Urganch shahar adliya bo‘limi yuridik xizmat ko‘rsatish markazi.