RATIFIKATSIYA QILINADIGAN XALQARO SHARTNOMALAR
O‘zbekiston Respublikasining Konstitutsiyasiga muvofiq xalqaro shartnomani ratifikatsiya qilish O‘zbekiston Respublikasi Oliy Majlisi palatalari tomonidan xalqaro shartnomani ratifikatsiya qilish to‘g‘risida qonun qabul qilish orqali amalga oshiriladi. O‘zbekiston Respublikasining 2019 yil 6-fevraldagi O‘RQ-518-son “xalqaro shartnomalari to‘g‘risida”gi Qonunining 18-moddasiga binoan, davlatlararo munosabatlarning asoslari haqidagi va o‘zaro huquqiy yordam to‘g‘risidagi, O‘zbekiston Respublikasining mudofaa qobiliyatiga daxldor masalalar bo‘yicha, tinchlik shartnomalari va kollektiv xavfsizlik to‘g‘risidagi shartnomalar, O‘zbekiston Respublikasining boshqa davlatlar bilan hududiy chegaralanishi to‘g‘risidagi, O‘zbekiston Respublikasining davlatlararo ittifoqlardagi, xalqaro tashkilotlardagi va boshqa birlashmalardagi ishtiroki to‘g‘risidagi xalqaro shartnomalar ratifikatsiya qilinishi belgilangan.
Qaysi xalqaro shartnomalarni tuzish chog‘ida muzokaralarda ishtirok etuvchi tomonlar kelgusida ularni ratifikatsiya qilish to‘g‘risida kelishib olgan bo‘lsa, o‘sha xalqaro shartnomalar xuddi shunday tarzda ratifikatsiya qilinadi.
Davlatning xorijdan mablag‘ jalb qilishi to‘g‘risidagi xalqaro shartnomalar, shuningdek xalqaro kafolat shartnomalari ratifikatsiya qilinmaydi va O‘zbekiston Respublikasi uchun ahdlashuvchi tomonlar belgilaydigan tartibda kuchga kiradi.
M.SODIQOVA,
Tuproqqal’a tumani yuridik xizmat ko‘rsatish markazi bosh yuriskonsulti.
Boshqa maqolalar
KO‘P XOTINLILIK UCHUN JAVOBGARLIK
Jinoyat kodeksining 126-moddasiga asosan ko‘p xotinli bo‘lish, ya’ni umumiy ro‘zg‘or asosida ikki yoki undan ortiq...
BILASIZMI?
Qonunchilikka ko‘ra, mehnat intizomi deb barcha xodimlarning mehnat to‘g‘risidagi qonunchilikka, jamoa kelishuvlariga,...
BOLANING NASL-NASABINI BELGILASH ASOSLARI QANDAY?
O’zbekiston Respublikasi Oila kodeksining 60-moddasiga asosan Bolaning shu onadan tug‘ilganligi (onalik) fuqarolik...