17 TA TURDAGI ХULOSALAR DAVLAT ХIZMATLARI MARKAZLARI VA YAIDXP ORQALI BERILADI

 O‘zbeiston Respublikasi Vazirlar Mahkamasining 29.03.2024-yildagi 169-sonli “Xulosa berish boʻyicha davlat xizmatlarini koʻrsatish tizimini yanada takomillashtirish toʻgʻrisida”gi qarori qabul qilindi.

Hujjat bilan Jismoniy va yuridik shaxslarga xulosalar berish boʻyicha davlat xizmatlarini koʻrsatishning yagona ma’muriy reglamenti tasdiqlanmoqda.

Shuningdek 17 ta turdagi xulosalarni berish boʻyicha pasportlar tasdiqlanmoqda, ular qatorida quyidagilar bor:

• magistral gaz quvurlari, neft quvurlari va neft mahsulotlari quvurlarini qurish, ulardan foydalanish hamda ularni ta’mirlashda sanoat xavfsizligi talablariga muvofiqligi toʻgʻrisida;
• bino (inshoot) va xonalarning yongʻin xavfsizligi talablariga muvofiqligi toʻgʻrisida;
• dori vositalari va biologik faol qoʻshimchalarni teleradiokanallar orqali reklama qilish boʻyicha va boshqalar.

2024-yil 1-maydan xulosalar davlat xizmatlari markazlari va YaIDXP orqali beriladi.

Taqdim etilgan xulosalar roʻyxati “Litsenziya” axborot tizimida yuritiladi. 

   Y.XO‘JAMURATOVA,

Yangiariq  tumani yuridik xizmat ko‘rsatish markazi bosh yuriskonsulti.