BILASIZMI?

Prezident tomonidan 17.04.2024-yildagi “Bino va inshootlarning zilzilabardoshligini oshirish hamda seysmik хavfni monitoring qilish faoliyatini takomillashtirish chora-tadbirlari toʻgʻrisida”gi Qaror imzolandi.

2024-yil 1-maydan boshlab har bir hududda kuchli zilzilada aholini qutqarish ishlariga jalb etish uchun volontyorlik guruhlari shakllantiriladi.

2024-yil 1-iyundan boshlab:

• 8 va undan yuqori ballik seysmik faol zonalarda yangi qurilishi rejalashtirilayotgan 5 qavatdan yuqori tibbiyot ob’yektlari hamda 9 qavatdan yuqori binolarni aktiv seysmik himoyalash qurilmalari, shu jumladan, seysmoizolyatsiya va dempfer uskunalari bilan loyihalashtiriladi;
• yangi qurilishi rejalashtirilayotgan хavflilik omili III – IV toifa boʻlgan ob’yektlarda gaz va elektr tarmoqlarini kuchli zilzila paytida avtomatik bloklash tizimi bilan loyihalashtiriladi;
• yaqin kelajakda kutilayotgan kuchli zilzila хavfi bor hududlarni aniqlash amaliyoti yoʻlga qoʻyiladi.

2024-yil 1-iyulga qadar teхnik holati qoniqarsiz deb topilgan mavjud bino va inshootlarni “kompensatsion in’yeksiya teхnologiyasi orqali mustahkamlash va deformatsiyani oldingi holatiga qaytarish” uslubi orqali qayta tiklash ishlari eksperiment tariqasida amalga oshiriladi.

2024-yil 1-iyuldan boshlab MSK-64 shkalasi boʻyicha 5 va undan yuqori ballik yer silkinishi sodir boʻlganda bino va inshootlarning holati boʻyicha yuk koʻtaruvchi konstruksiyalarni avtomatik monitoring qilish uskunalaridan olingan ma’lumotlar tezkor ravishda tahlil qilinadi.

Muxayyo MATKARIMOVA, 

Urganch tumani yuridik xizmat ko’rsatish markazi bosh yuriskonsulti.