МАЖБУРИЙ СУҒУРТАНИНГ ҚАНДАЙ ТУРЛАРИНИ ЖОРИЙ ЭТИШ РЕЖАЛАШТИРИЛМОҚДА

Президент томонидан 01.03.2024 йилдаги ПҚ-108-сонли “Суғурта хизматлари бозорини янада ривожлантиришнинг комплекс чора-тадбирлари тўғрисида”ги  Қарор имзоланди.

2024 йил 1 сентябрдан:

• суғуртанинг барча турлари бўйича суғурта (қайта суғурта) шартномаларини ягона автоматлаштирилган ахборот тизими орқали рўйхатдан ўтказиш ва суғурта полисларини ушбу тизим орқали расмийлаштириш мажбурий ҳисобланади;
• суғурта полисларини фақат қоғоз шаклда расмийлаштириш амалиёти бекор қилинади;
• Истиқболли лойиҳалар миллий агентлиги суғурталовчилар рейтингини юритади ва ОАВда эълон қилиб боради.

Суғурталовчиларнинг табақалаштирилган устав капитали миқдорлари тасдиқланмоқда.

Ҳужжат билан:

• суғурта қилдирувчиларни (жабрланувчиларни) мажбурий суғурта шартномаларидан келиб чиқадиган даъволар бўйича давлат божини тўлашдан озод этиш бўйича қонун лойиҳасини киритиш; 
• бакалавриатда “суғурта иши” йўналиши бўйича ўқиш муддатини 4 йилдан 3 йилгача қисқартириш таклифини киритиш;
• 2025 йил 1 январга қадар босқичма-босқич қуйидагиларни жорий этиш: 

1. юридик шахсларнинг кўчмас мулкини табиий ва техноген офатлардан мажбурий суғурта қилиш тизимини;
2. такафул тамойилларини ва маҳсулотларини жорий этиш;
3. юклатилган суғурта турларини кенгайтириш.

Ҳужжат Қонун ҳужжатлари маълумотлари миллий базасида эълон қилинган ва 04.03.2024 йилдан кучга кирди.

С.БЕРДИКИЛИЧОВ, 

Урганч тумани юридик хизмат кўрсатиш маркази бош юрисконсульти.