Kuzatuvchi » Siyosiy » ХОРАЗМ ВИЛОЯТИДА ЛОЙИҲАЛАРНИ АМАЛГА ОШИРИШ УЧУН 100 МЛН АҚШ ДОЛЛАРИ АЖРАТИЛАДИ

ХОРАЗМ ВИЛОЯТИДА ЛОЙИҲАЛАРНИ АМАЛГА ОШИРИШ УЧУН 100 МЛН АҚШ ДОЛЛАРИ АЖРАТИЛАДИ

Ўзбекистон Республикаси Президентининг 28.02.2024 йилдаги ПҚ-89-сонли “Хоразм вилоятида тадбиркорларга қулай шароитлар яратишга оид қўшимча чора-тадбирлар тўғрисида”ги Қарори қабул қилинди.

 

Ҳужжатга асосан, Тикланиш ва тараққиёт жамғармаси «Бизнесни ривожлантириш банки» АТБга беш йил муддатга 14 фоиз ставкада 100 миллион АҚШ доллари эквивалентида кредит ресурсларини ажратади.

 

Президентнинг 15.11.2023 йилдаги ПҚ-366 Қарорида белгиланганидек, давлат дастурлари доирасида ажратилаётган кредитлардан самарали фойдаланиш, уларнинг ўз вақтида қайтарилишини таъминлаш мақсадида 2024 йил 1 июлдан бошлаб кредит ажратишнинг барча босқичлари (аризани кўриб чиқиш, қарор қабул қилиш, кафиллик бериш ва кредит ажратиш) рақамлаштирилган ҳолда электрон платформаларда амалга оширилади.

 

Узоқ муддатли кредитлар тадбиркорларга қуйидаги мақсадлар учун ажратилади:

● Хоразм вилоятида ҳар бир маҳалланинг саноат, хизматлар, савдо ва умумий овқатланиш, туризм, чорвачилик, паррандачилик, балиқчилик, ҳунармандчилик, касаначилик, заргарлик, қишлоқ хўжалиги маҳсулотларини етиштириш, сақлаш ҳамда қайта ишлаш йўналишларидаги ихтисослашувидан келиб чиқиб, камида 10 та лойиҳаларни амалга ошириш учун;

● Хива ва Урганч шаҳарлари, Ҳазорасп, Хива, Шовот, Боғот ва Урганч туманларида замонавий савдо марказлари ва бозорлар ҳамда уларга туташ ҳудудларда ишлаб чиқариш бинолари (ангар ва цехлар)ни қуриш, туристик ва гастрономик кўчаларни ривожлантириш мақсадида тадбиркорларга узоқ муддатли кредит, ижара ва лизингга бериш учун.

 

Маҳаллабай ишлаш ва тадбиркорликни ривожлантириш агентлигига Иқтисодиёт ва молия вазирлиги ҳамда Хоразм вилояти ҳокимлиги билан биргаликда бир ой муддатда Хоразм вилоятидаги амалга ошириладиган лойиҳалар дастурини ишлаб чиқиш топширилди.

 

Ҳужжат Қонун ҳужжатлари маълумотлари миллий базасида эълон қилинган ва 28.02.2024 йилдан кучга кирди.



С.БЕРДИКИЛИЧОВ, 

Урганч тумани юридик хизмат кўрсатиш маркази бош юрисконсульти.

Boshqa maqolalar

ДАМ ОЛИШ КУНЛАРИДА ВА ИШЛАНМАЙДИГАН БАЙРАМ КУНЛАРИДА ИШЛАШ

personmaftuna 26-09-25, 19:11
0 ДАМ ОЛИШ КУНЛАРИДА ВА ИШЛАНМАЙДИГАН БАЙРАМ КУНЛАРИДА ИШЛАШ ТАҚИҚЛАНАДИ

Дам олиш кунларида ва ишланмайдиган байрам кунларида ишлаш тақиқланади, бундан Меҳнат Кодексда назарда тутилган ҳоллар...

AYRIM ROʻYXATDAN OʻTKAZISH DAVLAT RAQAMI BELGILARI UCHUN

personmaftuna 12-06-25, 02:41
0 AYRIM ROʻYXATDAN OʻTKAZISH DAVLAT RAQAMI BELGILARI UCHUN TOʻLOV MIQDORI KAMAYTIRILDI

“Roʻyxatdan oʻtkazish davlat raqami belgilarini va qat'iy hisobdagi blankalarni berishda, avtomototransport vositalari,...

АЙРИМ ФУҚАРОЛАРГА ЭЛЕКТР ЭНЕРГИЯСИ ВА ГАЗ УЧУН КОМПЕНСАЦИЯ

personmaftuna 28-05-24, 02:32
0 АЙРИМ ФУҚАРОЛАРГА ЭЛЕКТР ЭНЕРГИЯСИ ВА ГАЗ УЧУН КОМПЕНСАЦИЯ ТАҚДИМ ЭТИЛАДИ

Вазирлар Маҳкамасининг 16.04.2024 йилдаги “Ёқилғи-энергетика соҳасида бозор механизмларини жорий этишнинг қўшимча...

menu
menu