MUHTOJ SHAXSLAR ULARNI PROTEZ VA ORTOPEDIYA MOSLAMALARI BILAN TA’MINLASH
Davlat tomonidan ta'minlanadigan protez moslamalari va reabilitatsiya vositalarining turlari kengaytiriladi "Muhtoj shaxslarni protez-ortopediya moslamalari va reabilitatsiya qilishning texnik vositalari bilan ta'minlash tizimini takomillashtirish chora-tadbirlari to'g'risida"gi Prezident Qarori (PQ-88-son.) qabul qilindi.
Qarorga ko'ra, 2024-yil 1-maygacha davlat tomonidan kafolatlangan tarzda ta'minlanadigan protez-ortopediya moslamalari va reabilitatsiya qilishning texnik vositalari turlari 18 tadan 30 taga kengaytiriladi.
2024-yil 1-maydan:
-protez moslamalari va reabilitatsiya vositalari xaridi uchun davlat tomonidan muhtoj shaxslarga qoplab beriladigan mablag'lar miqdorini bozor konyunkturasidan kelib chiqib o'rtacha 3 baravargacha, ayrim vositalarning turlari esa 10 baravargacha oshiriladi;
-nogironligi bo'lgan shaxslarning protez moslamalari va reabilitatsiya vositalariga muhtojligi alohida tibbiy xulosa rasmiylashtirmasdan nogironlik to'g'risidagi ma'lumotnoma asosida belgilanadi;
-nogironlik guruhiga ega bo'lmagan pensiya yoshidagi shaxslarning protez moslamalari va reabilitatsiya vositalariga muhtojligi to'g'risidagi tibbiy xulosa "Tibbiy-ijtimoiy ekspertiza" elektron axborot tizimida rasmiylashtiriladi.
2024-yil 1-maygacha Toshkent shahri va Samarqand viloyatida,
2024-yil 1-oktyabrgacha respublikaning boshqa barcha hududlarida muhtoj shaxslarni protez moslamalari va reabilitatsiya vositalari bilan vaucher asosida ta'minlash tartibi joriy etiladi.
J.OTAJONOV,
Urganch tumani yuridik xizmat ko‘rsatish markazi boshligʻi.
Boshqa maqolalar
DORILAR BILAN BOG'LIQ POTENSIAL XAVF-XATARLARNI TEZKOR
personmaftuna 23-07-24, 14:19Qonunchilikka ko'ra: dori vositalari va tibbiy buyumlarni tayyorlovchi, ulgurji hamda chakana realizasiya qiluvchi...
2024-YILDA SOLIQ VA BYUDJET SIYOSATIDAGI ASOSIY O‘ZGARISHLAR
personmaftuna 09-02-24, 22:5928.12.2023-yildagi O‘RQ-891-son «Soliq va byudjet siyosatining 2024-yilga mo‘ljallangan asosiy yo‘nalishlari qabul...
SUDGA MUROJAAT QILISH SHAKLI
personmaftuna 14-06-24, 02:07Sudlarga ikki xil toifadagi murojaatlar qilish mumkin: Birinchisi, bu oddiy xat tarzidagi (muayyan ish bilan bog‘liq...