КРЕДИТНИ УНДИРИШ БЎЙИЧА СУД ҚАРОРИ ЧИҚАРИЛГАНДА ФОИЗ ВА НЕУСТОЙКА ҲИСОБЛАШ ТЎХТАТИЛАДИ
Президент томонидан имзоланган Қонун (ЎРҚ-914-сон, 27.02.2024 й.) айрим қонун ҳужжатларга ўзгартиришлар ва қўшимча киритилди.
Фуқаролик кодексига киритилган ўзгартиришга кўра:
Агар амалга оширилган тўлов суммаси қарз олувчи жисмоний шахсга ёки қарз олувчи тадбиркорга ажратилган микроқарз ёки кредит бўйича мажбуриятларни бажариш учун етарли бўлмаса, қарз олувчининг қарзи қуйидаги навбатда қопланади:
асосий қарз бўйича муддати ўтган қарздорлик ва муддати ўтган фоиз тўловлари мутаносиб равишда;
жорий давр учун ҳисобланган фоизлар ва жорий давр учун асосий қарз бўйича қарздорлик;
неустойка (жарима, пеня);
кредиторнинг қарздорликни узиш билан боғлиқ бўлган бошқа харажатлари.
Шунингдек, кредит бўйича қарздорликни ундириш тўғрисида суднинг ҳал қилув қарори чиқарилганда суд қарорида кўрсатилган, кредит бўйича ундириладиган суммага нисбатан белгиланган тартибда фоизлар, шунингдек неустойка ҳисобланиши тўхтатилади.
Бундан ташқари, “Нобанк кредит ташкилотлари ва микромолиялаштириш фаолияти тўғрисида”ги Қонунга киритилган ўзгартиришга кўра, микроқарзнинг энг юқори миқдори 50 миллион сўмдан 100 миллион сўмгача оширилди.
Х.МАТКАРИМОВ,
Янгиариқ тумани юридик хизмат кўрсатиш маркази бош юрисконсулти.
Boshqa maqolalar
ЎЗБЕКИСТОН ДАВЛАТ СПОРТ АКАДЕМИЯСИ ТАШКИЛ ЭТИЛАДИ
personmaftuna 04-06-24, 14:05“Ўзбекистон давлат спорт академияси фаолиятини ташкил қилиш чора-тадбирлари тўғрисида”ги Президент Қарори (ПҚ-197-сон,...
FUQAROLARNING IJTIMOIY HIMOYASI YANADA KUCHAYTIRILADI
personmaftuna 27-05-24, 01:57Prezident tomonidan imzolangan Qonun (O'RQ-922-son, 18.03.2024 y.) bilan ayrim qonun hujjatlarga o'zgartirish va...
LOMBARDGA QANDAY XUJJATLAR TAQDIM ETILISHI KERAK?
personmaftuna 30-09-24, 21:51Lombardga taqdim etiladigan hujjat: shaxsni tasdiqlovchi hujjat (fuqarolik pasporti yoki identifikatsiya ID-karta);...