ПРЕЗИДЕНТ ТОМОНИДАН ИМЗОЛАНГАН ҚОНУН БИЛАН АЙРИМ ҚОНУН ҲУЖЖАТЛАРГА ЎЗГАРТИРИШ ВА ҚЎШИМЧАЛАР КИРИТИЛДИ. (ЎРҚ-922-СОН, 18.03.2024 Й.)
“Ижара тўғрисида”ги Қонунга ижарачининг ногирон бўлиб қолганлиги ижара шартномасини тугатиш учун асос бўлишини бекор қилишни назарда тутувчи ўзгартиришлар киритилди.
“Фуқароларнинг давлат пенсия таъминоти тўғрисида”ги Қонунга киритилган ўзгартиришга кўра, пенсионерга ҳисобланган, лекин унинг томонидан талаб қилиб олинмаган пенсия суммасини тўлаш муддати 12 ойдан 24 ойгача узайтирилди.
Шунингдек фуқароларга пенсия тайинлаш учун давлат хизматлари марказлари ёки ЯИДХП (my.gov.uz) орқали мурожаат қилиш ҳуқуқи берилди.
Бундан ташқари, Қонунда пенсиянинг энг кам миқдори энг кам истеъмол харажатлари даражасидан оз бўлмаслигини белгилаш, пенсиялар миқдорларини йил давомида товарлар ва хизматларнинг истеъмол нархлари индекси даражасининг ўсиш суръатларини инобатга олган ҳолда ошириб бориш тартиби аниқлаштирилди.
Шу билан бирга “Фуқароларнинг жамғариб бориладиган пенсия таъминоти тўғрисида”ги Қонунга фуқарода давлат пенсия таъминоти ҳуқуқи юзага келганлиги тўғрисида Пенсия жамғармаси томонидан Халқ банкига ахборот тизими орқали электрон шаклда юбориладиган маълумотлар фуқаронинг пенсия тўловларини олиши учун асос бўлишини назарда тутувчи ўзгартиришлар киритилди.
Х.МАТКАРИМОВ,
Янгиариқ тумани юридик хизмат кўрсатиш маркази бош юрисконсулти.
Boshqa maqolalar
MA’RIFIY FAOLIYATNI AMALGA OSHIRISH TARTIBI BELGILANDI
Joriy yilning 5-noyabr kuni qabul qilingan “O‘zbekiston Respublikasining ayrim qonun hujjatlariga ma’rifiy faoliyatni...
MASOFADAN TURIB ISHLASH TARTIBI
Masofadan turib ishlash mehnat shartnomasida belgilangan mehnat vazifasini ish beruvchi joylashgan erdan, tashkilotning...
HAVO TRANSPORTIDA QAYSI HOLLARDA BEPUL XIZMAT KO‘RSATILADI?
Havo transportida yo‘lovchi va bagaj tashish qoidalariga muvofiq agar parvoz vaqti kechiktirilsa, tashuvchi yo‘lovchiga...