ДАРСГА ЎЗ ВАҚТИДА КЕЛМАЙДИГАН ЎҚУВЧИЛАРГА ҚАНДАЙ ЧОРА КЎРИШ МУМКИН?
“Эркакча” гаплашиб қўйиш бу педагогнинг иши эмас. Бу педагогик этика қоидаларига зид. Бундай вазиятларда ўқитувчи мактаб раҳбарияти, ота-она, маҳалла ишиторкида масалани ҳал қилиши керак.
Ўқувчига нисбатан бирор таъсир чораси қўлланилмайди, аксинча бундай вазиятда унинг ота-онасига нисбатан маъмурий жавобгарлик чораси қўлланилади.
Мактабгача ва мактаб таълими вазирининг 2023-йил 31-августдаги 282-сон буйруғига 1-иловада тасдиқланган Умумий ўрта таълим муассасасининг такомиллаштирилган намунавий одоб-ахлоқ қоидалари 14-бандига асосан ўқувчи дарс машғулотларида:
тегишли дарслик ва зарур ўқув қуроллари билан иштирок этиш;
дарсларда ўқув жараёни билан боғлиқ бўлмаган бошқа ишларга чалғимаслик;
ўқитувчига мурожаат қилмоқчи ёки саволига жавоб бермоқчи бўлганда қўлини кўтариб рухсат сўраш;
санитария-гигиена ва техника хавфсизлик қоидаларига тўлиқ амал қилиши шарт.
Мана шу қоидага биноан ўқувчи юқоридагиларни бажариши талаб этилади. Агар у мазкур мажбуриятларни бажаришдан бўйин товласа, унда ота-онага нисбатан таъсир чораси кўрилиши мумкин.
Бундай ҳолатда ота-онага Маъмурий жавобгарлик тўғрисидаги кодекс 47-модддаси иккинчи қисми билан жавобгарлик чораси қўлланилади. Яъни Худди шундай ҳуқуқбузарликлар маъмурий жазо чораси қўлланилганидан кейин бир йил давомида такрор содир этилган бўлса:
➖ базавий ҳисоблаш миқдорининг беш бараваридан ўн бараваригача миқдорда жарима солишга сабаб бўлади.
Х.МАТКАРИМОВ,
Янгиариқ тумани юридик хизмат кўрсатиш маркази бош юрисконсулти.
Boshqa maqolalar
BILASIZMI?
personmaftuna 28-06-24, 01:09Qonunchilikka ko'ra, xodimlarga ish haqi to'lash muddatlari jamoa shartnomasida yoki ichki hujjatda, ular mavjud...
БИЛИБ ОЛИНГ
personmaftuna 03-08-24, 03:142024 йил июль ойида пенсия тўловларини нақдсиз шаклда олувчиларга маблағлар тўлиқ (%) молиялаштирилди. Пенсия...
SUGʻURTALOVCHILARGA JARIMA QANDAY QOʻLLANILADI
personmaftuna 02-06-24, 03:48Oʻzbekiston Respublikasi Istiqbolli loyihalar milliy agentligi direktorining buyrugʻi bilan Sugʻurtalovchilarga...