СИЗ МЕҲНАТ ҲУҚУҚИНГИЗНИ БИЛАСИЗМИ?

Кўп ҳолларда биз ўзимизнинг ишдаги мажбуриятларимизни жуда яхши англаган ҳолда, элементар ҳуқуқларимиз ва уларни қонун нуқтаи назаридан қандай амалга ошириш мумкинлигидан бехабар бўламиз, Масалан ишдан бўшаётганимизда ёки, дейлик, касал бўлиб қолдик, ходим сифатида қандай ҳуқуқларимиз борлигини биламизми? Сиз ўз хуқуқ ва мажбуриятларингизни яхши билган холда мехнат фаолиятингизни олиб борсангиз хеч ким сизни мехнат ва бошқа хуқуқларингизни буза олмайди.

Сизнинг ишдаги ҳуқуқларингиз қуйдагилардан иборат:

1. Меҳнат шартномасини тузиш, ўзгартириш ва бекор қилиш тартиби Ўзбекистон Республикаси Меҳнат кодексига биноан қуйдагича.

Меҳнат шартномаси бу - шундай ҳужжатки, унда сизнинг иш жойингиз, меҳнат вазифангиз, ишингизнинг бошланган куни, меҳнат ҳақингизнинг миқдори ва меҳнатнинг бошқа шартлари тўла белгилаб қўйилади. Сизни ҳеч ким сизга ёқмайдиган жой ёки шароитда ишлашга мажбур қила олмайди. Меҳнат шартномаси тузилган ҳолда ҳеч бир сабабсиз ишдан ҳам бўшатиб юборишлари мумкин эмас. Бироқ сиз уни бекор қилишингиз мумкин, МКнинг 99-моддасига риоя қилган ҳолда бунга кўра ходим иш берувчини огоҳлантирган ҳолда меҳнат шартномасини бекор қилиш ҳуқуқига эга Меҳнат шартномалари муддатли ёки муддатсиз бўлиши мумкин. Муайян муддатга тузиладиган мехнат шартномаларнинг муддати максимал 5 йил. Бироқ сиз эртароқ мехнат шартномасини бекор қилмоқчи  бўлсангиз, иш берувчини 2 ҳафта олдин бу ҳақда огоҳлантириб, меҳнат шартномасини бекор қиш хуқуқига эгасиз. Икки ҳафтани ишлаб бермасдан   фақатгина иш берувчи билан келишган холда ва унинг  розилиги билан мехнат шартномасини бекор қилишингиз  мумкин. Меҳнат шартномаси ҳар иккала тарафнинг розилиги билан тузилади. Меҳнат шартномаси ёзма бўлиши керак, оғзаки шартнома ҳеч қандай кучга эга эмас.

Янгибозор туман адлия бўлими юридик хизмат кўрсатиш маркази.