KASB-HUNARGA O‘QITISH MARKAZIGA QABUL QILISH TARTIBI
O‘qish uchun talabgor Kasb-hunarga o‘qitish markaziga quyidagilarni taqdim etadi:
Kasb-hunarga o‘qitish markazi tomonidan belgilangan namunaga muvofiq tanlangan kasbga o‘qitish yo‘nalishini va o‘zining shaxsiy ma’lumotlarini ishlatishga roziligini tasdiqlashni ko‘rsatgan holda ariza, Pasport nusxasi, ma’lumoti va mavjud malakasini tasdiqlovchi hujjatlar nusxasini o‘z ichiga oluvchi hujjatlar to‘plami, Ariza va to‘plamga kiruvchi boshqa hujjatlar Kasb-hunarga o‘qitish markazida taqdim etilgan kundan boshlab 5 yil davomida saqlanadi. Agar ushbu hujjatlar qog‘oz shaklida berilgan bo‘lsa, ular raqamlashtirilib elektron ko‘rinishda saqlanishi ham mumkin.
Kasb-hunarga o‘qitish markazi ariza va unga ilova qilingan hujjatlar taqdim etilgan kundan boshlab 3 kundan ortiq bo‘lmagan muddatda o‘qish uchun talabgorga o‘qitiladigan kasb (mutaxassislik) nomini, o‘qish boshlanishi muddati va joyini, o‘qishning to‘liq qiymatini va shartnomaning boshqa muhim shartlarini ko‘rsatgan holda o‘qish shartnomasi loyihasini yuboradi.
Taklif etilayotgan o‘qitish kursi to‘g‘risidagi ma’lumotlar, shu jumladan, o‘qish muddati va joyi, o‘quv jarayonining rejimi va boshqa xususiyatlari, shuningdek, Kasb-hunarga o‘qitish markazining tijorat bankdagi hisobvarag‘i rekvizitlari (kvitansiya blankasi rekvizitlari) ko‘rsatilgan holda shartnomaga ilova qilinadi.
Kasb-hunarga o‘qitish markaziga qabul markaz direktorining buyrug‘i bilan rasmiylashtiriladi.
Xusin ISKANDAROV,
Tuproqqal’a tumani yuridik xizmat ko‘rsatish markazi boshlig‘i.
Boshqa maqolalar
ZO‘RAVONLIKDAN JABRLANGAN BOLALARGA HIMOYA ORDERI BERISH
personmaftuna 18-08-24, 03:50Adliya vazirligi va boshqa mas'ul idoralar bilan hamkorlikda ishlab chiqilgan “Bolalarni zo‘ravonlikning barcha...
ФУҚАРОЛИК ҲОЛАТИ ДАЛОЛАТНОМАЛАРИНИ ЁЗИШ ОРГАНЛАРИДА ИШ
personmaftuna 24-01-24, 16:03Ўзбекистон Республикаси Вазирлар Маҳкамасининг 2023 йил 20 октябрдаги 550-сонли «Никоҳ, оила ва фуқаролик ҳолати...
ТАЛАБАЛАРНИНГ 3 ЙИЛ ИШЛАБ БЕРИШ МАЖБУРИЯТИ БЕКОР ҚИЛИНДИ
personmaftuna 30-09-24, 07:31Президентнинг 24.05.2024 йил кунги 81-сон Фармони қабул қилинган Фармонга асосан, 2024/2025 ўқув йилидан бакалавриат ва...