FUQAROLIK HOLATI DALOLATNOMALARINI YOZISH BO‘LIMI SOHASIGA OID “10 SAVOLGA 10 JAVOB”
- Nikoh tuzishning ixtiyorligi haqida nimani tushunasiz?
Javob: O`zbekiston Respublikasi OKning 14-moddasiga asosan nikoh tuzish ixtiyoriydir. Nikoh tuzish uchun bo`lajak er-xotin o`z roziligini erkin ifoda etish qobiliyatiga ega bo`lishi kerak. Nikoh tuzishga majbur qilish taqiqlanadi.
- Agar ota-onalari o`rtasida nikoh qayd etilmagan bo`lsa, (tug`ilishni qayd etishda onasi ishtirok etmagan taqdirda) bolaning otasi haqidagi yozuv qanday tartibda amalga oshiriladi?
Javob: Onaning notarial yoki tibbiy muassasa tomonidan tasdiqlangan arizasi bo`yicha amalga oshiriladi.
3.Farzandlikka olishni rasmiylashtirishda FHDY organiga qanday hujjatlar taqdim qilinadi?
Javob: Sudning qonuniy kuchga kirgan farzandlikka olish haqidagi qaroridan ko`chirma, farzandlikka olinayotgan bolaning tug`ilganlik haqidagi guvohnomasi, farzandlikka oluvchilarning shaxsini tasdiqlovchi hujjatlar taqdim qilinadi.
- FHDY organlarining faoliyatiga umumiy rahbarlik va ularning faoliyatini nazorat qilish, FHDY organlarini tashkil etish va tugatish qaysi vazirlik tomonidan amalga oshirildi?.
Javob: Adliya vazirligi tomonidan amalga oshiriladi.
- FHDY organlarida ish yuritish tartibi to`g`risidagi Nizom qaysi vazirlik tomonidan tasdiqlanadi?
Javob: Adliya vazirligi tomonidan amalga oshiriladi.
- FHDY organlari yozuvlarini tuzish orqali qaysi fuqarolik holatlari dalolatnomalarini qayd etadi?
Javob: tug`ilganlik, nikoh tuzish, nikohdan ajralish, o`lim.
- Fuqarolar yig`inlari tomonidan qaysi shaxslarning o`limini qayd etilishiga yo`l qo`yilmaydi?
Javob: Shaxsi aniqlanmagan va sud tomonidan vafot etgan deb e`lon qilingan shaxslarning o`limi.
- Fuqarolik holati dalolatnomalarini qayd etishning rad qilinishi bo`yicha qaysi organlarga shikoyat qilinishi mumkin?
Javob: Adliya boshqarmalariga, O`zbekiston Respublikasi Adliya vazirligi yoki sudga belgilangan tartibda.
- Bolaning nasl – nasabi xususidagi barcha nizolar qanday tartibda amalga oshiriladi?
Javob: Sud tartibda hal qilinadi.
- 16 yoshdan oshgan, tug`ilishi qayd etilmagan shaxslarning tug`ilganligini qayd etish qanday tartibda amalga oshiriladi ?
Javob: Sudning hal qiluv qarori asosida amalga oshiriladi.
- Nikoh shartnomasi nima?
Javob: Nikohlanuvchi shaxslarning yoki er va xotinning nikohda bo`lgan davrida va (yoki) er va xotin nikohdan ajratilgan taqdirda ularning mulkiy huquq hamda majburiyatlarini belgilovchi kelishuv hisoblanadi.
Z.YO‘LDOSHEVA,
Yangibozor tumani fuqarolik holati dalolatnomalarini yozish bo‘limi I-toifali inspektori.
Boshqa maqolalar
FAOLIYATNING AYRIM TURLARINI LITSENZIYALASH TALABLARI BEKOR
personmaftuna 21-03-24, 18:58Prezident 09.01.2024-yilda PF-8-son «Tadbirkorlik sohasidagi majburiy talablarni qisqartirish hamda litsenziyalash va...
MEHNAT ARBITRAJI
personmaftuna 18-03-24, 01:35O‘zbekiston Respublikasi kambag‘allikni qisqartirish va bandlik vazirining 26.07.2023-yilda ro‘yxatdan o‘tgan, (ro‘yxat...
ДАВЛАТ ХАРИДЛАРИ ТИЗИМИДА ЖАМОАТЧИЛИК НАЗОРАТИ КУЧАЙТИРИЛАДИ
personmaftuna 30-07-24, 00:59“Давлат харидлари тизимини такомиллаштириш ва унда кичик тадбиркорлик субъектлари иштирокини рағбатлантириш...