O‘ZBEKISTON RESPUBLIKASI PREZIDENTI TOMONIDAN 29-FEVRAL 2024-YILDAGI O‘RQ-916 SONLI QONUN IMZOLANDI

Qonunga ko‘ra daraxtlar va butalarni qonunga xilof ravishda kesish, kundakov qilish, shikastlantirish bilan bog‘liq huquqbuzarliklar uchun fuqarolarga BHMning 25 baravaridan 50 baravarigacha (avval 5 dan 10 baravargacha bo‘lgan), mansabdor shaxslarga – BHMning 50 baravaridan 75 baravarigacha miqdorda (avval 10 dan 15 baravarigacha bo‘lgan) jarima solish ko‘zda tutilmoqda.  

Ma’muriy jazo chorasi qo‘llanilganidan keyin bir yil davomida takror sodir etilgan bo‘lsa, ma’muriy huquqbuzarliklarni sodir etish quroli bo‘lgan ashyoni yoki ma’muriy huquqbuzarlikning bevosita ashyosini musodara qilib, fuqarolarga BHMning 50 baravaridan 75 baravarigacha (avval 10 baravaridan 20 baravarigacha bo‘lgan), mansabdor shaxslarga esa — BHMning 75 baravaridan 100 baravarigacha (avval 20 baravaridan 30 baravarigacha bo‘lgan) miqdorda jarima solishga sabab bo‘ladi. Bunday huquqbuzarliklar uchun 15 sutkagacha ma’muriy qamoqqa olish jazosi qo‘llaniladi.

N.NURJONOV,

Yangibozor tumani yuridik xizmat ko‘rsatish markazi boshlig‘i.