VALYUTA OPERATSIYALARINI AMALGA OSHIRISH QOIDALARIGA OʻZGARTIRISHLAR KIRITILMOQDA
Markaziy bank boshqaruvining qarori bilan Oʻzbekiston Respublikasida valyuta operatsiyalarini amalga oshirish qoidalariga oʻzgartirishlar kiritilmoqda.
Xususan, ichki valyuta operatsiyalariga qimmatli qogʻozlar bozorining uyushgan savdolarida norezidentlar tomonidan, shu jumladan birja brokerlari va investitsiya vositachilari orqali aksiyalar va obligatsiyalarni (Oʻzbekiston Respublikasi markaziy bankining obligatsiyalari bundan mustasno) sotish va sotib olish bilan bogʻliq oʻtkazmalar kirishi belgilanmoqda.
Maхsus valyuta hisobvaragʻiga mijoz tomonidan sotib olingan, shuningdek, ushbu hisobvaraqdan ilgari chiqarilib, foydalanilmagan yoki boshqa sabablarga koʻra qaytarilgan chet el valyutasi ham kirim qilinadi.
Maхsus valyuta hisobvaragʻidan ilgari chiqarilgan va foydalanilmagan, shuningdek boshqa sabablarga koʻra qaytarilgan chet el valyutasi ham 3 bank ish kuni mobaynida tijorat banklariga qayta sotilishi yoki buyurtmada koʻrsatilgan maqsadlar uchun takroran oʻtkazib berilishi lozimligi haqidagi norma bekor qilinmoqda.
Shu bilan birga, bank mijozi tomonidan sotib olingan (shu jumladan foydalanilmagan yoki qaytarilgan) valyuta mablagʻlari mijozning maхsus valyuta hisobvaragʻiga kiritilgan vaqtdan e’tiboran yetti bank ish kuni mobaynida foydalanilishi yoki ushbu muddat tugagandan keyingi bank ish kunidan kechiktirilmagan holda tijorat bankiga qayta sotilishi shart.
Muhayyo MATKARIMOVA,
Urganch tumani yuridik xizmat ko‘rsatish markazi bosh yuriskonsulti.
Boshqa maqolalar
XORIJIY TIL VA ZAMONAVIY KASBLARGA O‘QITISH
personmaftuna 21-02-24, 01:52Umumiy o‘rta ta’lim muassasalari o‘quvchilarining xorijiy tillar va kasb-hunarga bo‘lgan qiziqishini oshirish maqsadida...
QANDAY AXBOROTLARNI TARQATISH TAQIQLANGAN? BILISH KERAK
personmaftuna 01-05-24, 23:56Konstitutsiyaga asosan har kim fikrlash, soʻz hamda istalgan axborotni izlash, olish va tarqatish huquqiga ega. Ammo...
JAMOAT XAVFSIZLIGINI TA’MINLASH TO‘G‘RISIDA
personmaftuna 20-02-24, 09:36O‘zbekiston Respublikasining “ Ilm-fan va ilmiy faoliyat to‘g‘risida ”gi, “ Huquqbuzarliklar profilaktikasi to‘g‘risida...