РАҚАМЛИ ТЕХНОЛОГИЯЛАР ХАЛҚАРО МАРКАЗИ ТАШКИЛ ЭТИЛМОҚДА
Президент томонидан 01.02.2024 йилдаги “Рақамли технологиялар халқаро марказини ташкил этиш бўйича биринчи навбатдаги чора-тадбирлар тўғрисида”ги ПФ-25-сон Фармон имзоланди.
IT-парк ҳудудида рақамли технологиялар соҳасида маҳсулотлар ишлаб чиқариш ва хизматлар кўрсатиш учун қулай шароитларга эга бўлган махсус ҳудуд сифатида Рақамли технологиялар халқаро маркази (кейинги ўринларда - Марказ) ташкил этилмоқда.
2024 йил 1 июндан бошлаб 5 йилгача бўлган муддатга Марказда хорижий компаниялар учун қўлланиладиган махсус ҳуқуқий режим эксперимент тариқасида жорий қилинади.
Махсус ҳуқуқий режим қуйидаги соҳаларда жорий этилади:
- рақамли технологиялар соҳасида инновациялар, хизматлар ва бизнес маҳсулотларини ишлаб чиқиш ва синовдан ўтказиш бўйича "тартибга солиш қумдони"ни жорий этиш;
- божхона ва солиққа тортиш;
- меҳнат муносабатлари;
- молия ва банк фаолияти;
- шахсга доир маълумотларга ишлов бериш ва уларни ҳимоя қилиш;
- давлат хизматларини кўрсатиш;
- интеллектуал мулкни ҳимоя қилиш;
- тижорат ва фуқаролик низоларини кўриб чиқиш.
Маълумот учун: йил якунига қадар қуйидагиларни акс эттирувчи қонун лойиҳаси ишлаб чиқилади:
- фаолиятини рағбатлантиришга қаратилган тадбиркорлик фаолиятини амалга ошириш, божхона ва солиқ соҳасини тартибга солиш, меҳнат муносабатлари ҳамда бошқа шартларнинг алоҳида тартиби ва ҳуқуқий нормаларни белгиловчи махсус ҳуқуқий режимни;
- молия ва банк фаолиятини амалга ошириш, шахсга доир маълумотларга ишлов бериш ва уларни ҳимоя қилиш, давлат хизматларини кўрсатиш, интеллектуал мулкни ҳимоя қилиш, шунингдек, тижорат ва фуқаролик низоларини кўриб чиқишнинг алоҳида тартибини.
С.БЕРДИКИЛИЧОВ,
Урганч тумани юридик хизмат кўрсатиш марказининг бош юристконсульти.
Boshqa maqolalar
МИЛЛИЙ ДАВЛАТЧИЛИГИМИЗНИНГ УЧ МИНГ ЙИЛДАН ЗИЁД ТАРИХИНИ АКС
personmaftuna 29-07-24, 23:46“Кинематография соҳасини янада ривожлантириш ҳамда мамлакатимиз тарихига бағишланган фильмлар туркумини яратишга доир...
АҲОЛИНИНГ ЭҲТИЁЖМАНД ҚАТЛАМЛАРИ УЧУН ДАВЛАТ БОЖИ
personmaftuna 30-09-24, 10:53Президент 16.01.2024 йилда ЎРҚ-896-сонли «Ўзбекистон Республикаси адлия органлари тизими такомиллаштирилиши муносабати...
“UMRA” TADBIRLARINI TASHKIL ETISH VA O'TKAZISH
personmaftuna 24-07-24, 19:55Prezident tomonidan imzolangan Qonun (O'RQ-935-son, 02.07.2024 y.) bilan ayrim qonun hujjatlariga o'zgartirish va...