ЧОРВАЧИЛИК ХЎЖАЛИКЛАРИГА СУБСИДИЯЛАР АЖРАТИЛАДИ
Вазирлар Маҳкамасининг 26.01.2024 йилдаги 52-сонли “Чорвачилик хўжаликларига хорижий давлатлардан импорт қилинган наслдор қорамол, қўй ва эчкилар учун субсидия ажратиш тартиби тўғрисидаги низомни тасдиқлаш ҳақида”ги қарори қабул қилинди.
2025 йил 31 декабрга қадар чорвачилик хўжаликларига хорижий давлатлардан импорт қилинган наслдор қорамолнинг ҳар бир бошига 2 млн сўмдан, наслдор қўй ва эчкининг ҳар бир бошига 400 минг сўмдан субсидия ажратилади.
Субсидия олувчи хорижий давлатдан наслдор қорамолни олиб келганидан сўнг туман комиссиясига субсидия олиш учун “Агросубсидия” АТ электрон тизими орқали мурожаат қилади.
Аризага қуйидаги ҳужжатлар илова қилинади:
● хорижий давлатлардан импорт қилинган наслдор қорамол, қўй ва эчкининг келиб чиқишини тасдиқловчи ҳужжат нусхаси;
● хорижий давлатлардан импорт қилинган наслдор қорамол, қўй ва эчкини сотиб олиш бўйича тузилган олди-сотди шартномаси ва тўлов топшириқномаси нусхаси;
● божхона юк декларацияси нусхаси.
Субсидия олувчининг аризасини кўриб чиқиш учун тўловлар ундирилмайди.
Субсидия маблағлари уни олувчининг тижорат банкидаги асосий ҳисобварағига ўтказиб берилади.
С.БЕРДИКИЛИЧОВ,
Boshqa maqolalar
FUQAROLIK PROTSESSIDA SUDGA CHAQIRUV: MUHIM 5 SAVOLGA JAVOB
Sudning chaqiruv qog‘ozi yoki boshqa xabarnoma ishda ishtirok etuvchi shaxslarga va sud protsessining boshqa...
VAQTINCHA MEHNATGA QOBILIYATSIZLIK NAFAQASI QANDAY HOLLARDA
O‘zbekiston Respublikasi Mehnat va aholini ijtimoiy muhofaza qilish vazirinO‘zbekiston Respublikasi Adliya vazirligi...
ЭР ВА ХОТИННИНГ УМУМИЙ МОЛ-МУЛКИНИ БЎЛИШ ТАРТИБИ ҚАНДАЙ
Эр ва хотиннинг умумий мол-мулкини бўлиш эр ва хотиндан бирининг талабига кўра, улар никоҳда бўлган даврда ҳам,...