BIZNES-OMBUDSMAN SOLIQ ORGANLARI QO‘LLAGAN JARIMANI KAMAYTIRISHGA YORDAM BERDI
Tadbirkor B.J. Qarshi shahridagi Tadbirkor virtual offisiga soliq organining qarori ustidan shikoyat bilan murojaat qildi.
Qarshi shahar soliq inspeksiyasi tomonidan B.J. Soliq kodeksining 221-moddasi 1-qismi bo‘yicha 10 mln so‘m jarimaga tortilgan.
Biznes-ombudsman devoni yetakchi inspektori Ismoil Saitovning tushuntirishicha, Soliq kodeksining 216 va 218-moddalariga muvofiq ilgari shu kabi huquqbuzarlik uchun javobgarlikka tortilgan shaxs tomonidan soliq huquqbuzarligini sodir etish fakti og‘irlashtiruvchi holat sifatida tan olingan. Bunday vaziyat mavjud bo‘lganda, jarima miqdori ikki baravar ko‘payadi.
B.J. ilgari shunga o‘xshash huquqbuzarlik uchun javobgarlikka tortilmagan, lekin soliq organi tomonidan ikki hissa miqdorida jarima qo‘llanilgan.
Shu munosabat bilan, Biznes-ombudsman devonining qonuniy talablariga ko‘ra Qarshi shahar soliq inspeksiyasi qonun buzilishlarini bartaraf etish bo‘yicha qo‘shimcha qaror qabul qildi. Noto‘g‘ri qo‘llanilgan 10 mln so‘m jarima 5 mln so‘mgacha kamaytirildi va 10 kunlik imtiyozli davr davomida tadbirkor tomonidan 2,5 mln so‘m to‘landi.
Shunday qilib, Biznes ombudsman devonining aralashuvi tufayli tadbirkor soliq organi tomonidan noto‘g‘ri qo‘llanilgan jarima miqdorini kamaytirishga muvaffaq bo‘ldi.
S.BERDIQILICHOV,
Urganch tumani yuridik xizmat ko‘rsatish markazi bosh yuristkonsulti.
Boshqa maqolalar
NOGIRONLIGI BO‘LGAN SHAXSLARNING TA’LIM OLISHI
personmaftuna 25-09-24, 00:37O‘zbekiston Respublikasi Konstitutsiyasining 57-moddasiga asosan, Mehnatga layoqatsiz va yolg‘iz keksalar, nogironligi...
ЗАРГАРЛИК УЧУН ҚИММАТБАҲО ТОШЛАРНИ ОЛИБ КИРИШ СОЛИҚДАН ОЗОД
personmaftuna 29-05-24, 02:50Президент томонидан имзоланган Қонун (ЎРҚ-926-сон, 13.05.2024 й.) билан айрим қонун ҳужжатларига қўшимча ва...
ПАХТА МАЙДОНЛАРИНИНГ ҲАР ГЕКТАРИГА СУБСИДИЯ БЕРИЛАДИ
personmaftuna 30-09-24, 07:30Президентнинг 13.02.2024 йил кунги ПҚ-71-сон “Қишлоқ хўжалиги ерлари деградациясига қарши курашиш, тупроқнинг гумус...