O’ZBEKISTON RESPUBLIKASI JINOYAT KODEKSIDA VOYAGA YETMAGANLAR UCHUN JAZO TIZIMI VA UNI TAYINLASH QANDAY BO‘LADI?

O’zbekiston Respublikasi Jinoyat kodeksining XV-bobida Jazo turlari va jazo tizimi ko’rsatib o’tilgan.

O’zbekiston Respublikasi Jinoyat kodeksining 81-moddasi. Jazo tizimi o‘n sakkiz yoshga to‘lmasdan jinoyat sodir etgan shaxslarga quyidagi asosiy jazolar qo‘llanilishi mumkin:

1) jarima;

2) majburiy jamoat ishlari;

3) axloq tuzatish ishlari;

4) ozodlikni cheklash;

5) ozodlikdan mahrum qilish.

O‘n sakkiz yoshga to‘lmasdan jinoyat sodir etgan shaxslarga nisbatan qo‘shimcha jazolar tayinlanishi mumkin emas.

O’zbekiston Respublikasi Jinoyat kodeksining 82-modda. Jarima

Jarima bazaviy hisoblash miqdorining ikki baravaridan yigirma baravarigacha miqdorda tayinlanadi.

O’zbekiston Respublikasi Jinoyat kodeksining

82¹-modda. Majburiy jamoat ishlari. Majburiy jamoat ishlari faqat mehnatga layoqatli voyaga yetmaganlarga nisbatan oltmish soatdan ikki yuz qirq soatgacha bo‘lgan muddatga tayinlanadi. Majburiy jamoat ishlari voyaga yetmaganlarning sog‘lig‘iga va ma’naviy jihatdan rivojlanishiga zarar yetkazmasligi, o‘qish jarayonini buzmasligi lozim.

O’zbekiston Respublikasi Jinoyat kodeksining

 83-modda. Axloq tuzatish ishlari

Axloq tuzatish ishlari faqat mehnatga layoqatli voyaga yetmaganlarga nisbatan o‘z ish joyida o‘tash, aybdor hech qayerda ishlamasa, ushbu jazo ijrosini nazorat qiluvchi organlar belgilab beradigan o‘zi yashaydigan hududdagi boshqa joylarda o‘tash tariqasida bir oydan bir yilgacha muddatga tayinlanadi.

O’zbekiston Respublikasi Jinoyat kodeksining 84¹-modda. Ozodlikni cheklash

Ozodlikni cheklash voyaga yetmagan mahkumlarga nisbatan asosiy jazo chorasi sifatida olti oydan ikki yilgacha muddatga tayinlanadi.

O’zbekiston Respublikasi Jinoyat kodeksining 85-modda. Ozodlikdan mahrum qilish

Voyaga yetmaganlarga nisbatan ozodlikdan mahrum qilish jazosi olti oydan o‘n yilgacha muddatga tayinlanadi.

X.MATKARIMOV,