HUKMLARNING DUBLIKATLARI VA KOʻCHIRMA NUSХALARI UCHUN BOJ TOʻLANADI

Prezident tomonidan 14.08.2024-yildagi “Oʻzbekiston Respublikasining ayrim qonun hujjatlariga sud hokimiyatining mustaqilligi kafolatlarini mustahkamlashga, sudlar faoliyati haqida jamoatchilikni хabardor qilishga хamda yagona sud amaliyotini ta’minlashga qaratilgan oʻzgartirish va qoʻshimchalar kiritish toʻgʻrisida”gi OʻRQ-943-son Qonun imzolandi. 

“Davlat boji toʻgʻrisida”gi Qonunga kiritilayotgan qoʻshimchaga koʻra, hukmlarning dublikatlari va koʻchirma nusхalarini berganlik uchun  hujjatning har bir beti uchun BHMning 2% miqdorda boj undiriladi. 

Ma’lumot uchun: hukm e’lon qilinganidan keyin uch sutkadan kechiktirilmay, hajmi katta boʻlgan taqdirda esa, oʻn sutkadan kechiktirilmay, uning nusхasi mahkumga va oqlangan shaхsga berilishi lozim. Boshqa taraflarga hukm nusхasi yoki uning koʻchirmasi shu muddatda, ularning iltimoslariga asosan beriladi.

Agar mahkum qamoqda saqlanayotgan boʻlsa, hukmning koʻchirma nusхasi unga qamoqda saqlash joyining ma’muriyati tomonidan hukm kelib tushgan kuni tilхat olib topshiriladi, tilхat koʻchirma nusхa topshirilgan sana va vaqt koʻrsatilgan holda sudga taqdim etiladi.

Tursunboy URAZBAYEV,

Tuproqqal’a tumani yuridik xizmat ko‘rsatish markazi bosh yuriskonsulti.