HAKAMLIK SUDLARINI ROʻYXATDAN OʻTKAZISH VA HISOBGA OLISH FAQAT DXM VA YAIDXP ORQALI AMALGA OSHIRILADI

O‘zbekiston Respublikasi Vazirlar Mahkamasining 09.09.2024-yildagi «Davlat xizmatlarini elektron shaklda koʻrsatish qamrovi yanada kengaytirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida»gi 553-son qarori qabul qilindi.  

Hujjat bilan Siyosiy partiyalarning ustavda nazarda tutilgan faoliyatini davlat tomonidan moliyalashtirish tartibi toʻgʻrisidagi nizomga Qonunga kiritilgan tegishli oʻzgartirishlardan kelib chiquvchi oʻzgartirishlar kiritildi.  

Shuningdek, quyidagi nizomlar yangi tahrirda qabul qilindi:

Hakamlik sudlari hisobini yuritish tartibi toʻgʻrisidagi;

Xususiy amaliyot bilan shugʻullanuvchi notariuslarni hisob roʻyxatiga olish tartibi toʻgʻrisidagi;

Nodavlat notijorat tashkilotlarining ramzlarini davlat roʻyxatidan oʻtkazish tartibi toʻgʻrisidagi. 

Oʻzgartirishlar me’yorlarni qonunchilikdagi soʻnggi oʻzgartirishlarga muvofiqlashtirishga qaratilgan. 

Shuningdek, yuqorida koʻrsatilgan davlat xizmatlari hamda NNTlarning chet el fuqarolari boʻlgan xodimlarini va ularning oila a’zolarini akkreditatsiya qilish faqatgina DXM va YaIDXP orqali amalga oshiriladi. 

Tursunboy URAZBAYEV,

Tuproqqal’a tumani yuridik xizmat ko‘rsatish markazi bosh yuriskonsulti.