OILАVIY KORXONАLАR 5 NАFАRGАCHА XODIMNI ISHGА OLISHLАRI MUMKIN
Prezident tomonidan 27.12.2023-yildagi “Oʼzbekiston Respublikasining ayrim qonun hujjatlariga oʼzgartirishlar va qoʼshimcha kiritish toʼgʼrisida”gi OʼRQ-890-son Qonun imzolandi.
Bojxona kodeksiga davlat hamda nodavlat sport-taʼlim tashkilotlari tomonidan oʼz ehtiyojlari uchun import qilinadigan maxsus sport kiyim-boshlari, poyabzal, sport anjomlari, jihozlari va uskunalarining ellik foizi uchun bojxona bojini toʼlashdan ozod etish tarzidagi imtiyozlar berilishini nazarda tutuvchi oʼzgartirishlar kiritilmoqda.
Shuningdek, yuridik shaxs tashkil etmagan holdagi oilaviy tadbirkorlik subʼektlariga 5 nafargacha doimiy xodimni ular bilan mehnat shartnomasini tuzgan holda yollash huquqi (ilgari 3 nafargacha) berilmoqda.
Bundan tashqari, bir oilaviy korxona ishtirokchisiga bir vaqtning oʼzida boshqa oilaviy korxona ishtirokchisi boʼlish huquqi taqdim etilmoqda.
Shaharsozlik kodeksiga mahalliy ijro etuvchi hokimiyat organlarining shaharsozlik faoliyati obyektlarini qurish toʼgʼrisida qarorlar qabul qilish boʼyicha vakolatlari bekor qilinishini nazarda tutuvchi oʼzgartirishlar kiritilmoqda.
Muhayyo MATKARIMOVA,
Urganch tumani yuridik xizmat ko’rsatish markazi bosh yuriskonsulti.
Boshqa maqolalar
ISHDAN TASHQARI ISHDA XODIMLARNI QAY TARTIBDA ISHLATISH
Ishdan tashqari ish nima o‘zi? Mehnat qonunchiligi bo‘yicha xodimning kundalik ish (smena) muddatidan ortiqcha ishlashi...
NUTQIDA, ESHITISH VA KOʻRISHIDA OGʻIR NUQSONLARI BOR
Quyidagi kasalliklar mavjud bolalar uchun bogʻchalarda ota-onalar toʻlovi undirilmaydi: 1 nutqidagi ogʻir nuqsonlar...
FUQAROLIK HUQUQLARINI HIMOYA QILISH USULLARI
O‘zbekiston Respublikasi Fuqarolik kodeksining 11-moddasiga asosan, Fuqarolik huquqlari quyidagi yo‘llar bilan himoya...