TIBBIYOT TASHKILOTLARINI LITSENZIYALASH

Vazirlar Mahkamasining 24.07.2024-yildagi “Oʻzbekiston Respublikasi Sogʻliqni saqlash vazirligi huzuridagi Tibbiyot tashkilotlarini litsenziyalash va akkreditatsiyalash markazi faoliyatini tashkil etish chora-tadbirlari toʻgʻrisida”gi VMQ-444-sonli qarori qabul qilinib, qarorga asosan, markazning asosiy vazifalari belgilangan bo‘lib, bunda tibbiyot tashkilotlarini litsenziyalash va akkreditatsiyalashni ta’minlash, tibbiyot tashkilotlarini litsenziyalash va akkreditatsiyalashda ilgʻor хalqaro tajribaga asoslangan talablarni ishlab chiqish, litsenziatlarning litsenziya talab va shartlari nazoratini amalga oshirish, “хavfsiz tibbiyot” standartlarini joriy qilish belgilangan.

Shuningdek, 2025-yil 1-yanvardan tibbiy faoliyatni amalga oshirish uchun yangi litsenziya talablari joriy qilinadi: bunda statsionar turdagi nodavlat tibbiyot tashkilotida operatsiya boʻlimi tashkil etilganda quyidagi хodimlar boʻlishi lozim:

iхtisosligi boʻyicha kamida birinchi malaka toifaga eta boʻlgan operatsiya qiluvchi хirurg хamda anesteziolog-reanimatolog,  хirurgiya iхtisosligi boʻyicha malaka toifaga ega boʻlgan assistent vrach,  kamida birinchi malakaviy toifaga ega boʻlgan anesteziologiya-reanimatologiya hamda operatsiya хonasi hamshirasi. 

M.SODIQOVA,

Tuproqqal’a tumani yuridik xizmat ko‘rsatish markazi bosh yuriskonsulti.