SHAHARSOZLIK KODEKSI TAKOMILLASHTIRILDI
Oʻzbekiston Respublikasi Prezidenti tomonidan 2024-yil 10-sentyabrdagi “Shaharsozlik faoliyati sohasida davlat boshqaruvi va aholi punktlarining shaharsozlik hujjatlarini ishlab chiqish tizimi takomillashtirilishi munosabati bilan Oʻzbekiston Respublikasining Shaharsozlik kodeksiga oʻzgartirish va qoʻshimchalar kiritish toʻgʻrisida”gi OʻRQ-960-son Qonun imzolandi.
Ma’muriy islohotlar doirasida bir qator respublika ijro etuvchi hokimiyat organlarini transformatsiya qilish munosabati bilan Shaharsozlik kodeksiga ushbu organlarning nomi va vakolatlarini aniqlashtirish, shuningdek aholi punktlarining shaharsozlik hujjatlarini tayyorlash tizimini takomillashtirish uchun tegishli oʻzgartirishlar kiritilmoqda.
Qonun bilan Shaharsozlik kodeksiga Oʻzbekiston Respublikasi hududini rivojlantirishni rejalashtirish Bosh tarhini hamda Qoraqalpogʻiston Respublikasi va viloyatlar hududlarini rivojlantirishni rejalashtirish tarhlarini ishlab chiqish yoʻli bilan aholi punktlarining shaharsozlik hujjatlarini tayyorlash tizimini takomillashtirishni nazarda tutuvchi oʻzgartirishlar ham kiritilmoqda.
Hujjatning qabul qilinishi shaharsozlik faoliyati sohasida davlat boshqaruvi tizimini, shuningdek Oʻzbekiston Respublikasi hududini ijtimoiy-iqtisodiy rivojlantirishning uzoq muddatli prognozlariga muvofiq shaharsozlik hujjatlarini tayyorlash tizimini takomillashtirishga хizmat qiladi.
Urganch shahar adliya bo‘limi yuridik xizmat ko‘rsatish markazi.
Boshqa maqolalar
KIMLAR MUDDATLI HARBIY XIZMATGA BORISHLARI SHART EMAS?
2002-yilda qabul qilingan 436-II-son qonunning 22-moddasiga asosan, Tinchlik davrida muddatli harbiy xizmatga hamda...
“TELEKOMMUNIKATSIYALAR TOʻGʻRISIDA”GI QONUN KUCHGA KIRDI
27.12.2024 yildagi "Telekommunikatsiyalar toʻgʻrisida"gi OʻRQ-1015-son Qonun yangi tahrirda qabul qilindi. Qonunning...
ОТА-ОНАЛАРНИНГ ҲАР ҚАНДАЙ ЁШДАГИ ФАРЗАНДЛАРИ КОНТРАКТИ УЧУН
Президент томонидан имзоланган Қонун (ЎРҚ-891-сон, 28.12.2023 й.) билан айрим қонун ҳужжатларига ўзгартириш ва...