KO‘CHMAS MULKNI RO‘YXATDAN O‘TKAZISHDA NIZOLARNI SUDGA QADAR HAL QILISH TARTIBI BELGILANGAN
Vazirlar Mahkamasining 29.08.2023-yil kungi 426-son qarori bilan Ko‘chmas mulkka bo‘lgan huquqlarni davlat ro‘yxatidan o‘tkazish vaqtida yuzaga keladigan nizolarni sudga qadar hal qilish tartibi to‘g‘risidagi nizom tasdiqlangan.
Nizomga ko‘ra, manfaatdor shaxs bu masalada Davlat kadastrlari palatasi mas’ul xodimlarining harakatlari yoki harakatsizligi ustidan shikoyat qilib, Ko‘chmas mulkka bo‘lgan huquqlarni davlat ro‘yxatidan o‘tkazishda yuzaga keladigan nizolarni ko‘rib chiquvchi komissiyaga yozma yoki Davlat kadastrlari palatasi rasmiy veb-sayti orqali elektron murojaat qilishi mumkin.
Qolaversa nizomda yuqoridagi komissiya tomonidan murojaatlarni ko‘rib chiqish muddatlari va tartibi xamda norozi tarafning apellyatsiya berish jarayonigacha bo‘lgan holatlar belgilangan.
Manfaatdor shaxslar bu tartib bo‘yicha Komissiya va Apellyatsiya komissiyasi qarorlaridan norozi bo‘lgan holatlarda bevosita sudga shikoyat qilish huquqidan foydalanishlari mumkin.
R.EGAMBERDIYEV,
Urganch tumani yuridik xizmat ko‘rsatish markazi bosh yuriskonsulti.
Boshqa maqolalar
TA’LIM OLUVCHILARNING HUQUQLARI
Ta’lim oluvchilar quyidagi huquqlarga ega: - bepul asosda umumiy o‘rta, o‘rta maxsus ta’lim va boshlang‘ich...
TURAR JOYLARNI ALMASHTIRISHNI RASMIYLASHTIRISH
O‘zbekiston Respublikasi uy-joy kodeksining 112-moddasiga asosan, Turar joylarni almashtirish to‘g‘risidagi shartnoma...
ISHGA JOYLASHTIRISH BO‘YICHA DAVLAT KAFOLATLARI
Har kim o‘zining ishlab chiqarishga va ijodiy mehnatga doir qobiliyatlaridan foydalanish hamda qonunchilikda...