АВТОЖАРИМАЛАР УСТИДАН ЯИДХП ОРҚАЛИ ШИКОЯТ КИРИТИШ МУМКИН

Вазирлар Маҳкамасининг 03.07.2024 йилдаги “Йўл ҳаракати қоидалари бузилишига доир чиқарилган қарор ва юборилган хабарномалар юзасидан Давлат йўл ҳаракати хавфсизлиги хизматига электрон мурожаат қилишнинг маъмурий регламентини тасдиқлаш тўғрисида”ги 382-сон қарор қабул қилинди.

2024 йил 1 сентябрдан бошлаб йўл ҳаракати қоидалари бузилишига доир чиқарилган қарор ва юборилган хабарномалар юзасидан Йўл ҳаракати хавфсизлиги хизматига ЯИДХП орқали электрон мурожаат қилиш имконияти яратилади.

Маъмурий регламентга мувофиқ:

• аризачи мурожаатни ЯИДХП орқали юборади;
• мурожаатга далилларни илова қилиш мумкин бўлади;
• мурожаатни кўриб чиқиш даврида жарима солиш тўғрисидаги қарор учун белгиланган чегирма муддати тўхтатиб турилмайди;
• умумий асосларга кўра мурожаат 5 кун ичида кўриб чиқилади. Қўшимча ўрганиш талаб этилган ҳолларда мурожаат 10 кун ичида кўрилади;
• мурожаатга жавоб ЯИДХП орқали юборилади;

жавоб хати юборилгандан сўнг шу мазмундаги такрорий мурожаат қайта кўриб чиқилмайди.

С.БЕРДИКИЛИЧОВ,

 Урганч  тумани юридик хизмат кўрсатиш маркази бош юристконсульти.