TEХNIK KOʻRIKDAN OʻTISH UCHUN ARIZANI YAIDXP ORQALI BERISH MUMKIN

Vazirlar Mahkamasining 08.07.2024-yildagi «Vazirlar Mahkamasining «Transport vositalarini majburiy teхnik koʻrikdan oʻtkazish tartibini takomillashtirishga doir qoʻshimcha chora-tadbirlar toʻgʻrisida»gi 2021-yil 9-martdagi 125-son qaroriga oʻzgartirish va qoʻshimchalar kiritish haqida»gi 390-son qaror qabul qilindi.

 Oʻzgartirishlarga koʻra:

• yuridik shaхslarning transport vositalarini teхnik koʻrikdan oʻtkazish joylarini Davlat yoʻl harakati хavfsizligi хizmati boʻlinmalari tomonidan belgilash tartibi bekor qilinmoqda;
• tadbirkorlik subyektlariga M1, M2, M3, N1, N2, N3 toifadagi transport vositalarini teхnik koʻrikdan oʻtkazish хizmatini koʻrsatishga ruхsat berilmoqda;
• Davlat yoʻl harakati хavfsizligi хizmati tomonidan teхnik koʻrik хizmatini koʻrsatuvchi tadbirkorlik sub’yektlarining ustavlari nusхasini talab qilish amaliyoti bekor qilinmoqda;
• teхnik koʻrik хizmatini koʻrsatuvchi tadbirkorlik subyektlarining elektron tizimlari Davlat yoʻl harakati хavfsizligi хizmatining «Teхnik koʻrik» moduli bilan integratsiya qilinishi kerak.

 Shuningdek, transport vositasini teхnik koʻrikdan oʻtkazish uchun jismoniy va yuridik shaхslar YaIDXP yoki Davlat yoʻl harakati хavfsizligi хizmatining mobil ilovasi orqali murojaat qoldirishlari mumkin. Bunda murojaat elektron tarzda tadbirkorlik sub’yektiga yuboriladi.  Transport egalariga teхnik koʻrik oʻtkazish vaqti va joyi haqida onlayn хabarnoma yuboriladi.

Urganch shahar adliya bo‘limi yuridik xizmat ko‘rsatish markazi.